"Məhsullar qəpik-qəpik bahalaşdırılır" - DEPUTAT
Son vaxtlar marketlərdə məhsulların bahalaşması müşahidə olunur. Bəs bu bahalaşma nə ilə əlaqəlidir? Niyə məhsullarda anidən bahalaşma olur? Bu bahalaşmanın belə gizli şəkildə olması nə dərəcədə doğrudur?
Məsələ ilə bağlı Sonxeber.az-a açıqlama verən millət vəkili Azər Badamov bildirib ki, marketlərdə bu cür bahalaşmanın olması qəbuledilməzdir:
"Düzdür, son günlər bəzi məhsullarda bahalaşmalar var. Hər məhsul qəpik-qəpik bahalaşdırılırr. Müvafiq dövlət orqanları bazarlarda araşdırmalar aparmalıdır. Marketlərdə məhsulların bahalaşmasına səbəb olan amillər üzə çıxarılmalı və bunun qarşısı alınmalıdır".
Mövzu ilə əlaqədar Elşad Məmmədov isə ytımıza açıqlamasında bildirib ki, bahalaşmanın əsas 3 səbəbi var:
"Bizim daxili bazarda, xüsusilə istehlak bazarında, idxalın səviyyəsi çox yüksəkdir. Azərbaycanda istehsal olunan məhsulların tərkibinə baxsaq, görərik ki, idxaldan asılılıq çoxdur. Dünya bazarında isə inflyasiya sürətlə gedir. Biz yerli məhsulun istehsalını lazımi səviyyədə qura bilmədiyimizə görə bir çox məhsulları idxal etmək məcburiyyətindəyik. Məhsulları idxal edəndə isə infyasiyanı da idxal etmiş oluruq. Buna görə qiymət artımı öz ölkəmizdə məhsulların istehsalını reallaşdırana qədər davam edəcək.
Ölkədə istehsalın həyata keçirilməsi üçün maliyyə resursları lazımdır. Onlar da çox bahadır, kredit faizləri yüksəkdir. Buna görə də istehsalın qurulması iqtisadi cəhətdən sərfəli deyil.
Adiyyatı dövlət qurumları inhisarçılıqla fəaliyyət göstərə bilmir. Kənd təssərüfatı ilə məşğul olan fermerin 20 qəpiyə satdığı məhsul Bakıda ticarət mərkəzlərində 1-2 manata satılır. İnhisarçılar faizlərlə ticarət əlavəsi qoyurlar. Belə olan halda isə əhali, alıcılar və o məhsulu istehsal edən fermərlər uduzur. Udan isə heç bir real xidmət göstərməyən, inhisarçılıq fəaliyyətindən istifadə edib qiymətləri kəskin artıran tacirlər olur".
Aytəkin CƏLALİ
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş