Bu rayonda içməli suya kanalizasiya xəttindən sızma var? - "Azərsu"dan ŞİKAYƏT - YENİLƏNİB

Xəbər verdiyimiz kimi, saytımıza Şirvan şəhərindən içməli su ilə bağlı şikayət daxil olub.

Sonxeber.az olaraq məsələ ilə bağlı "Azersu"nun mətbuat xidmətinin rəhbəri Anar Cəbrayıllı ilə əlaqə saxladıq.

Anar bəyin istəyi ilə onu şikayətçiyə yönləndirdik. Daha sonra isə o, Şirvan Su Kanal İdarəsinin rəhbərinin həmin vətəndaşla əlaqə saxladığını bildirdi:

"Saqiyev Baladadaş adlı şikayətçi çoxmənzilli yaşayış binasında yaşayır. O binadan isə suyun keyfiyyəti ilə, suya digər suların qarışması ilə bağlı heç bir şikayət daxil olmayıb. Vətəndaşla əlaqə saxlanılıb, o isə işdə olduğunu bildirib. İşdən qayıtdıqdan sonra onunla görüşüləcək, su nümunəsi götürüləcək və vətəndaşa izah olunacaq. Bu gün Şirvan şəhərinə verilən su Kür Sutəmizləyici Qurğularındandır. Onun da bir hissəsi Bakıya gətirilir. Həmin suyun keyfiyyəti ilə bağlı isə heç bir şübhə yaranmayıb.

O cümlədən, Şirvan şəhərində yerləşən həmin binada da suyun keyfiyyəti ilə, kənar suların qarışması ilə bağlı heç bir şikayət, heç bir fakt yoxdur".

***

Şirvan şəhər sakini kanalizasiya xəttindən içməli suya sızma olduğundan şübhələnir.

Sonxeber.az-ın məlumatına görə, 1 aydan çoxdur ki, Şirvan şəhərinin leytenant İbrahimov küçəsinə verilən içməli suyun həm görüşünü, həm dadı çox üfunətlidir.

Saqiyev Baladadaş adlı şikayətçi bildirir ki, dəfələrlə müraciət etməsinə baxmayaraq, sudan gəlib nümunə götürmürlər:

"1 aydan çoxdur ki, rəsmi olaraq müraciət edirəm. Bildiyim qədəri ilə, kanalizasiya xəttində sızma olub və bunun nəticəsində içməli su çox üfunətli haldadır. Hər dəfə "Azərsu" çağrı mərkəzindən sudan nümunə götürülməsi ilə bağlı vədlər verilsə də, məsələ hələ də aktuallığını saxlayır!

Pandemiyanın bürüdüyü ölkəmizdə bu cür hallar açıq infeksiya mənbəyidir!

Bir vətəndaş olaraq, "Azərsu" ASC fəaliyyətini 0 (sıfır) olaraq qiymətləndirirəm!"

Aysel Səfərzadə

Telegramda izləyin

instagramda izləyin