Nazir bəzi aktyorların Milli Şuranın mitinqinə qatılmasına münasibət bildirib

"Əfsuslar olsun ki, dövlət mükafatlarını almış bəzi insanlar bu yaxınlarda gedib dövlət əleyhinə çıxışlar zamanı öz səslərini ucaldıblar. Bu, heç bir mədəniyyət işçisinin daxili dünyasının zənginliyinə uyğun deyil".

Bunu mədəniyyət və turizm naziri Əbülfəs Qarayev Milli Muzey Mərkəzində Prezident İlham Əliyevin müvafiq sərəncamları ilə təltif edilən mədəniyyət işçilərinə fəxri ad və mükafatların təqdim olunması mərasimində deyib.

"Əgər dövlət bizim əməyimizi qiymətləndirirsə, biz də onu qiymətləndirməliyik. Axırıncı baş verənlər olduqca təəssüfləndirici haldır", - deyə, nazir əlavə edib.

Qeyd edək ki, Milli Şuranın oktyabrın 7-də keçirilən mitinqində üç nəfər incəsənət xadimi də iştirak edib. Bunlar Abbas Qəhrəmanov, İlqar Cahangir və Ayşad Məmmədlidir.(Report)

Telegramda izləyin

instagramda izləyin