"Oskar"a namizəd olan və qadağan edilmiş həyat hekayəsi – FOTOLAR

1950-ci illərdə Koreya müharibəsinə həsr olunan "Ayla" filmi son günlərin ən çox müzakirə olunan filmidir. Rejissorluğunu Can Ulkayın etdiyi, prodüserliyini Mustafa Uslunun boynuna götürdüyü, musiqilərinə Fahir Atakoğlunun imza atdığı ekran işində tanınmış aktyorlar rol alıb.

Onlar arasında İsmail Hacıoğlu, Kim Seol, Çetin Tekindor, Lee Kyong-Jin, Ali Atay, Murat Yıldırım, Taner Birsel, Altan Erkekli, Meral Çetinkaya, Damla Sönmez, Büşra dəvəli, Erkan Petekkaya, Sinem Uslu, Eric Roberts, Cade Carredine, Kim Byoungsoon, Johnny Young, Mehmet Esen, Caner Kurtaran, Burç Kümbetlioğlu, Duygu Yetiş, Ali Barkın, Nilgün Kasapbaşoğlu, Mine Teber, Esra Dermancıoğlu, Toyga Avanoğlu, İlber Gürtunca kimi bir-birindən qiymətli 32 yerli və xarici ulduzlar var. Qəhrəmanlarının hələ həyatda olduğu, gerçək həyatdan götürülən "Ayla" filmi zamansız, məkansız, dil-din və irq tanımadan sevginin insanları birləşdirdiyinin bariz sübutudur.

"Ayla" – Türk əsgərlə 5 yaşlı qızın hekayəsi

Ekran işi türk əsgərlərindən biri olan Astsubay Süleyman ilə ailəsi öldürülən koreyalı kiçik qızın sevgi və ümidlə bəslənən, gerçək hekayəsindən bəhs edir. Belə ki, Süleyman 1950-ci ildə Koreya müharibəsinə könüllü gedib. O, müharibə zamanı meşədə ata-anası öldürülən Kimi tapır. Uşaq ay üzlü olduğu üçün ona Ayla adını qoyur. 1il 6ay ərzində ona atalıq edir. Müharibə bitdikdən sonra onlar ayrılmaq məcburiyyətində qalır. Süleyman qızı Türkiyəyə aparmaq üçün yollar axtarsa da, sonda onu uşaq evinə verməli olur. Yalnız 60 il sonra Ayla və Süleyman təkrar bir araya gəlirlər.

Filmin namizədliyi nə zaman açıqlanacaq?

Filmin mükafat üçün yarışmağa layiq olub-olmaması yanvarın 23-ü açıqlanacaq.

"Ayla" 1 ayda nə qədər izlənib?

Film 2 noyabrda Türkiyə kino tarixində son 16 ilin ən yüksək kassa gəlirini əldə edərək statistikaya adını həkk etdirib. "Xarici dildə ən yaxşı film" üçün "Oskar" mükafatına namizəd göstərilən film 3 gün ərzində 300 min tamaşaçı tərəfindən izlənib və 4.091.182.00 lirə hasilat əldə etib. 1 ay ərzində isə 2 milyon tamaşaçı 3 milyon lirə qazanc gətirib.

Artıq iki mükafatı var

"Ayla" Cənubi Afrikada keçirilən Cape Town Beynəlxalq Film Festivalında "Ən Yaxşı Quruluşçu Rejissor" mükafatının sahibi olub. Daha sonra "Ayla" açılış filmi kimi yer aldığı Beynəlxalq Asiya Film Festivalında tamaşaçıların "Ən Yaxşı Film"i seçilib.

"Ayla"ya Cənubi Koreyada qadağa

Türkiyənin 90-cı Oskar mükafatına namizəd filmi "Ayla"nın Cənubi Koreyada yayımlanmayacaq. Belə ki, filmin yaradıcı heyətinə bildirilib ki, kinoteatrlar 1 illik doludur və ekran işi yayımlanan bilməz.

Film Bakıda da nümayiş olunacaq

Nizami Kinoteatrının kino işləri üzrə direktor müavini Arzu Əhədova mətbuata açıqlamasında bildirib ki, ekran işi noyabrın sonu, dekabrın əvvəlində paytaxtda nümayiş ediləcək.

Telegramda izləyin

instagramda izləyin