Nazirin sevgilisi dünyasını dəyişdi - FOTO

Əvvəllər modellik edən Christine Keeler (Kristin Kilr) 75 yaşında dünyasını dəyişib.

İngiltərəni sarsıdan ən böyük seks qalmaqalının səbəbkarı Christine Keeler Princess Royal University Hospital-ında həyatını itirib. Qohumlarının dediyinə görə o, uzun müddət xəstəliklə mübarizə aparıb.

Christine Keeler 1942-ci ilin fevral ayında doğulub. Əvvəllər modelliklə məşğul olan Christine Keeler İngiltərənin müdafiə naziri John Profumo və SSRİ hərbi qulluqçusu ilə intim münasibətdə olub.

Onun seks qalmaqalı İngiltərəni sarsıdan hadisələrdən biri olub. Christine-nin nazirlə münasibəti Britaniya tarixinə "Profumo hadisəsi" kimi düşüb.
Qalmaqaldan sonra o, agent olmaqda günahlandırılıb. Model gerçəkləri açıqlamaq üçün "Və nəhayət gerçəklər, mənim hekayəm" kitabını yazıb.

O, kitabında bir yataqdan digərinə dövlət sirlərini ötürməyin mümkün olmadığını qeyd edib. Model, həmçinin Stephen Ward-ın casus olduğunu kitabında bildirib.

Telegramda izləyin

instagramda izləyin