Xocasənə metro çəkilir? - Rəsmi cavab

Xocasənə metro çəkilir? - Rəsmi cavab"Bakı metropoliteni xəttlərinin konseptual inkişaf sistemində Lökbatana, Hava limanı, Xırdalan, Sumqayıta metro çəkilməsi nəzərdə tutulmayıb".
Bu sözləri Sonxeber.az –a açıqlamasında "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib.

Onun sözlərinə görə, hökumət tərəfindən həmin ərazilərdə yaşayan insanların metro ilə daşınmasını təmin etmək üçün qərar qəbul olunarsa, həmin ərazilərə metro çəkilməsini həyat keçirə bilərik. Çünki, bu işləri reallaşdırmaq üçün bizim kifayət qədər avadanlığımız, peşəkar mütəxəssisimiz var.

N.Paşayev bildirib ki, hazırda istifadə edilən rəsmi sənəd 2011-ci ildə cənab Prezident İlham Əliyev tərəfindən Bakı metropoliteni xəttlərinin konseptual inkişaf sistemidir. Həmin sistemin həyata keçirilməsi üçün işlər davam edir.

Metropoliten rəsmisi əlavə edib ki, Xocasəndə DEPO tikilməsi nəzərdə tutulub.

2016-cı ildə "Avtovağzal" və "Memar Əcəmi" stansiyasından ibarət bənövşəyi xəttimiz istifadəyə verildi. "Avtovağzal"-dan başlayan və Qaraçuxur qəsəbəsinə qədər davam edəcək xətt 12 stansiyadan ibarət olacaq. .

"Hər bir xəttin elektrik deposu olmalıdır. Həmin deponun tikintisi Xocasən qəsəbəsinin girişində nəzərdə tutulub. Orada tikinti işləri davam edir. Xocasəndən sonra digər ərazilərə hər hansı metro stansiyasının tikilməsi planlaşdırılmayıb. Depoda ola bilsin ki, gələcəkdə orada yaşayan insanların gediş gəlişi üçün bir platforma yaradılsın".

Aysel Kərimova

Sosial   Baxılıb: 4511   Tarix: 21 dekabr 2017  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR