Azərbaycanda küçədə öldürülən oğlan tələbə imiş

Bu gün Ağdaşda öldürülən yeniyetmənin adı məlum olub.

Ağdaş Dövlət Humanitar Kollecindən verilən məlumata görə, qətlə yetirilən şəxs kollecin 2-ci kurs tələbəsi Ətraf Nəsibovdur. O, bu gün saat 10:00 radələrində bıçaqlanıb və hadisə kollecin ərazisindən kənarda baş verib.
Faktla bağlı hüquq-mühafizə orqanları tərəfindən araşdırma aparılır.

Qeyd edək ki, Ağdaşda qətl hadisəsi baş verib.

Hadisə bu gün 10.30 radələrində Ağdaş şəhərindəki Bəkir Nəbiyev küçəsində, mərkəzi poçtun qarşısında qeydə alınıb.

16-17 yaşlarında olan oğlanın ürəyindən bıçaqlanaraq öldürüldüyü bildirilir.

Onun meyiti müayinə olunmaq üçün Ağdaş morquna aparılıb.

Faktla bağlı araşdırma aparılır. Ölən və hadisəni törədənin kimliyi hələlik məlum deyil.

Mənbə: lent.az

Telegramda izləyin

instagramda izləyin