Rusiya bu əraziləri alır, Ermənistan xəritədən silinir

"Keçmiş prezident Koçaryan və indiki prezidenti Sarkisyanın cəhdləri ilə Ermənistan öz müstəqilliyini praktiki olaraq itirdi və bu gün əbədi "strateji müttəfiqimiz"in iradəsindən tamamilə asılıdır".

Bu barədə erməni siyasi şərhçi Tevos Arşakyan Ermənistan-İran sərhədini qoruyan rus hərbiçilərin sərhəd yaxınlığındakı yolun təmirinə icazə verməməsini şərh edərkən deyib.

Qeyd edək ki, Ermənistanın İranla sərhədi yaxınlığındakı yolun tikintisi sərhədi qoruyan Rusiya hərbiçilərinin tələbi ilə dayandırılıb. Ermənistan mediası bu hadisəni "İranla sərhəd bölgəsinin Rusiya tərəfindən alınması" kimi dəyərləndirir.

T.Arşakyan yazır ki, bu, Ermənistan üçün təhqiredici haldır.

"Rusiya sərhədçiləri bizim hökumətin öz sərhədləri daxilindəki yolu təmir etməyə icazə vermədi. Bizim hakimiyyət isə ağzına su alaraq oturub. Sarkisyan 2018-ci ilin aprelindən sonra da hakimiyyətdə qalmaq üçün rusların qarşısında baş əyir. Lakin bu hələ başlanğıcdır. Bu gün yolun təmirinə icazə vermirlər, sabah başqa şeylərə qadağalar qoyulacaq, digər sərhəd ərazilər də zəbt olunacaq. Daha sonra Ermənistan adlı dövlət xəritədən silinəcək", - deyə o bildirib.

Mənbə: publika.az

Telegramda izləyin

instagramda izləyin