"İrəvanı o vaxt beynəlxalq sənədlərlə Ermənistana paytaxt verdik" - MÜSAHİBƏ

"İrəvanı o vaxt beynəlxalq sənədlərlə Ermənistana paytaxt verdik" - MÜSAHİBƏSonxeber.az bildirir ki, Azərbaycan Respublikası Prezidentinin İcra Aparatının İctimai-siyasi məsələlər şöbəsinin diasporla iş sektorunun müdiri, YAP Siyasi Şurasının üzvü, siyasi elmlər üzrə fəlsəfə doktoru Qafar Əliyev BiG.AZ saytının suallarını cavablandırıb.

-Yeni Azərbaycan Partiyası keçən il 25 illiyini qeyd etdi. YAP 25 il ərzində Azərbaycan xalqına nə kimi faydalar verib?

- Hər bir demokratik cəmiyyət çoxpartiyalı sistemə söykənməlidir. Çünki demokratik cəmiyyətin əsasını partiyalar təşkil edir. Azərbaycanda müstəqillik qazandıqdan sonra demokratik inkişaf yolunu seçmiş və çoxpartiyalı sistem əsasında fəaliyyət göstərir. Ölkəmizdə 50-dən çox siyasi partiyalar mövcuddur. Bu partiyalar içərisində ən çoxsaylı, güvənli və Azərbaycanın dövlət quruculuğunda mühüm rol oynayan Yeni Azərbaycan Partiyasıdır. Yeni Azərbaycan Partiyası ümumxalq partiyasıdır. Bu gün partiyanın yeddi yüz mindən çox üzvü var. Ölkəmizdəki partiyaların hamısının üzvlərini toplasan bu qədər etməz. Yeni Azərbaycan Partiyasının əsası ümumilli liderimiz Heydər Əliyev tərəfindən yaradılıb. O zaman ümumilli liderimiz Heydər Əliyev 1990-cı ildə Azərbaycana gəldi. Bilirsiniz ki, dövlətimiz o zamanlar çox çətin dövrü yaşayırdı, Ermənistan dövləti tərəfindən Azərbaycan torpaqlarına qarşı təcavüz olunmuşdu. Bu vaxtı ümumilli liderimiz Heydər Əliyev ölkəmizin xilası üçün yeni partiyanın yaranmasına ehtiyac duydu. Beləliklə Yeni Azərbaycan Partiyası yaradıldı. Ondan qabaq Azərbaycan Xalq Cəbhəsi yaradıldı. Amma o qarşısına qoyduğu heç bir məqsədə çata bilməmişdi. Azərbaycanın müstəqilliyini əldə etmək, onun ərazi bütövlüyünü təmin etmək, işağalda olan torpaqlarımızı azad etmək , demokratik inkişaf yolunu seçərək müasir dünyəvi dövlət tərəfindən tanınmasını təmin etməkdir. Bütün bu mühüm məqsədləri həyata keçirmək üçün siyasi partiyaya ehtiyac var idi. 1992-cı ilin noyabrında ilk qurultayı keçirildi. Bu müddət ərzində YAP müstəqil Azərbaycanın inkişafında, respublika kimi möhkəmlənməsində, qüdrətinin yaranmasında, ölkədə islahatları aparılmasında misilsiz xidmətlər göstərdi. Ümumilli liderimizin rəhbərliyi altında müasir Azərbaycanın inkişaf etdirilməsində, gücləndirilməsində, onun iqtisadi potensialının yaradılmasında, güclü ordumuzun formalaşmasında, Əsrin Müqaviləsinin imzalanmasında və dünyada tanınmasında Yeni Azərbaycan Partiyası çox mühüm rol oynamışdı. YAP bütün bu prosseslərdə sanki siyasi qüvvə kimi prezidentimizin və umumilli liderimizin dayağı olub. Yeni Azərbaycan Partiyası hakim partiyadır. 4 dəfədən artıq keçirilən prezident, parlament və bələdiyyə seçkilərində qələbə qazanıb. Ən önəmlisi isə 70 faizdən çox səs toplayaraq xalqımızın inamını qazanmışdı.

- Hakim partiyanın diqqət verdiyi sahələrdən biri də beynəlxalq təşkilatlarla əməkdaşlıq və diaspor quruculuğudur. Partiyanın xaricdə yaşayan azərbaycanlılarla əlaqəsi hansı səviyyədədir?

- Diaspora işinin başlanğıcı var. Amma sonu yoxdur. Diaspora işi hər gün aparılmalı olan fəaliyyət sahəsidir. Bu işi gördüm, bitirdim söhbəti yoxdur. Əvvəllər Xocalı soyqırımını tanıtmaq üçün müxtəlif ölkələrin paytaxtlarının meydanlarında, tədbirlər təşkil etməklə dünyanın nəzərinə çatdırırdıq. Amma bu gün bu işin mahiyyəti çox genişlənib. Bu gün Xocalı soyqırımı və erməni vandalizmi BMT-i turbinalarında, Bakıda son illər keçirilən böyük beynəlxalq konfransların kürsülərində ölkəmizə gələn on minlərlə insanlara çatdırılır. Prezident admistrasiyasının, parlamentin, Diaspora Komitəsinin və digər qurumların xətti ilə beynəlxalq təşkilatlarda işlər həyata keçirilir. Müstəqillik əldə etdiyimiz bu dövr ərzində Azərbaycan diasporu təşkilatlanmış, formalaşmış və özünün təbliğat işlərini genişləndirmişdir. Dünyada böyük nüfuza malik olan diasporlarla dayanmaq gücünə sahib diasporamız var.

- Bilirsiniz ki, erməni lobbisi çox güclüdür. Bizim diasporamız onlarla mübarizə apara bilirmi?

- Erməni lobbisi xaricdə güclüdür. Çünki ermənilər 1915-cı ildən xarici ölkələrə səpələnmiş, guya ki, qətliama, soyqırıma məruz qaldıqlarını bildirərək yalançı təxribatları ilə özlərinə yer eləyiblər. Bu yolla da güclənməyə çalışırlar. Azərbaycanla ermənilərin mübarizə formaları fərqlidir. Erməni lobbisi yalana söykənib. Bu da məlumat qıtlığına işarədir. Hansı dövlətdə ki, Azərbaycan haqqında məlumat azdır orada öz yalançı təxribatlarını aparırlar. Dağlıq Qarabağla bağlı yalanı məlumatları da orada yayamağa çalışırlar. Erməni lobbisi yalan informasiya ilə hər zaman dünya ictimaiyyətini çaşdırmağa çalışır. Azərbaycan diasporasının gücü həqiqətə söykənir. Ərazisi işğal olunan bizik, Dağlıq Qarabağ Azərbaycanın ayrılmaz hissəsidir. 1918-ci ilə qədər İrəvan Azərbaycanın tərkib hissəsi olub. Biz İrəvanı o vaxt beynəlxalq sənədlərlə Ermənistana paytaxt vermişik. Biz həqiqətləri tarix kimi dünyaya çatdıranda hər kəs bizimlə razılaşır və Azərbaycana inanır, erməni yalanlarını rədd edirlər. Ermənilərdə bilirlər ki, onların tarixi yalan üzrə qurulub, musiqiləri, yeməkləri bizə aiddir. Bunlar daim bizimlə yaşadıqlarına görə yeməklərimizi yeyib, musiqilərimizlə də oynayıblar. Bu gün də yeməklərimizə, musiqilərimizə və milli adət-ənənələrimizə sahib çıxmaq istəyirlər. Bir təbliğat aparan zaman bilirlər ki, dolma, kabab Azərbaycan aid yeməkdir. O qədər saxtakarlıq edirlər ki, ermənilər hətta deyirlər ki, Üzeyir Hacıbəyov bizim bəstəkarımızdır. Rəşid Behbudovun mahnılarını öz adlarına çıxarırlar. Azərbaycan diasporası hansısa tədbirdə bu bəstəkarların mahnılarını səsləndirən zaman ermənilərin bütün yalanları ortaya çıxır. Diaspora işi Dağlıq Qarabağ müharibəsinin arxa cəbhəsində aparılan mübarizədir. Bu mübarizə də hər zaman aparılmalıdır, aparılır da. Başda cənab prezidentimiz İlham Əliyev olmaqla bu mübarizəmizi hər gün gücləndirir, erməni lobbisini küncə sıxışdırırıq.

- Diasporımızın gördüyü işlərlə bağlı işlək sayt yoxdur. Sizcə bu sahədə hansı islahatlara ehtiyac var?

- Bizim Diasporla İş Üzrə Dövlət Komitəmiz var. Bu komitənin özünün saytı var. Bundan əlavə xaricdə fəaliyyət göstərən 450-dən artıq diaspora cəmiyyətlərimiz var. Bu cəmiyyətlərin də əksəriyyətinin saytları mövcuddur. Gördükləri işlər barəsində də həmin saytlara yerləşdirirlər. Bu gün Azərbaycanın özündə də Diaspor Jurnalistlər Birliyi fəaliyyət göstərir. Bunların saytında da istənilən məlumatlar var. Sadəcə bu saytların populyarlıq baxımından problemləri var. Sayta nə qədər izləyici daxil olur. Bu əsas məsələdir. Biz güclü populyar saytlar yaratmalıyıq ki, dünya ictimaiyyəti daha çox daxil olsun. İlk öncə ingilis, rus, fransız və başqa beynəlxalq dilləri bilən jurnalistlərə ehtiyacımız var. Həmin dillərdə məlumatlar yerləşdirilməlidir ki, başqa dövlətlərdən olan insanlar da sayta daxil olsun. Bizim informasiyalarımızın əksəriyyəti Azərbaycan dilindədir. Yəni özümüz deyir, özümüz eşidirik. Çalışmalıyıq ki, saytlarımız başqa dilləri bilən jurnalistləri cəlb etməliyik. Xarici dilləri bilən jurnalistləri, diaspor fəallarını yetişdirməliyik ki, yaşadıqları ölkələrdə həmin dillərdə təbliğatlarını apara bilsinlər.

- Diasporamıza ayrılan maliyyə yetərlidirmi?

- Neftin qiyməti baha olan zaman xaricdə olan diaspor təşkilatlarına Azərbaycan hökuməti tərəfindən maliyyə daha çox ayrılırdı. O ki, neftin qiyməti düşdü diaspora təşkilatlarına ayrılan vəsait də azaldı. Amma bu gün vəziyyət düzəlir. Ölkəmizin iqtisadi qüdrəti artıqca diasporamıza ayrılan vəsait də artacaq.

- ABŞ-ın İranla, Türkiyə ilə münasibəti getdikcə gərginləşir. Bu gərginliyin Azərbaycanın Türkiyə, İran və ABŞ-la münasibətlərinə necə təsir göstərə bilər?

- Biz türk dilli müsəlman dövlətik. Xarici siyasətimizin əsasını türk dilli və müsəlman ölkələrlə əlaqə təşkil edir. Eyni zamanda dünya birliyi ilə dostluq və əməkdaşlıq xarici siyasətimiz əsas hissəsidir. Bilirsiniz ki, Dağlıq Qarabağın Azərbaycanın ayrılmaz tərkib hissəsi olması, ərazilərimizin 20 faizi işğal altında olmasına ilk etiraz bəyanətını İslam Əməkdaşlıq Təşkilatına üzv olan müsəlman dövlətləri verib.

Tramp Qüdsü İsrailin paytaxtı elan etdi. Biz də müəlman ölkəsi olaraq İslam dövlətlərin səsinə səs verdik. Bu münasibəti ilə Türkiyədə İslam dövlətlərinin toplantısı keçirildi. Azərbaycan prezidenti iştirak edərək mövqeyimizi bəyan elədi. Eyni zamanda ABŞ-ın prezidentinin bəyan etdiyi fikirin də yalnış olduğu bildirildi. Təbii ki, bəzi məsələlərdə mövqe ortaya qoyulduqda bəzi dövlətlərin xoşuna gəlməyə bilər. O ölkələrdə zamanla Azərbaycanın mövqeyinin düzgün olduğunu dərk edəcək.

- Tramp Dağlıq Qarabağı Ermənistanın ərazisi kimi tanıya bilərmi?

- ABŞ-la Azərbaycan arasında sıx münasibətlər və strateji müqavilələr bağlanılıb. Hələ ulu öndərimiz Heydər Əliyev Amerikaya səfər etdiyi zaman Azərbaycanın ərazi bütövlüyü tanındığı və bu məsələ də ölkəmizə dəstək olacaqları bəyan etmişdilər. Əsrin müqaviləsi zamanı bir çox Amerika şirkətləri iştirak etmiş və Azərbaycana investisiya qoymuşdular. Bundan əlavə Amerika ATƏT-in Minsk Qrupuna üzv dövlətlərdən biridir. Belə halda Dağlıq Qarabağ məsələsində bizim ərazi bütövlüyümüzün pozulmasına və suverenliyimizə xələl gətirəcək addım atmaz. BMT-nin qətnamələrində də ərazi bütövlüyümüz və Dağlıq Qarabağın Azərbaycanın ayrılmaz hissəsi kimi təsdiq olunub. Belə olan halda nəinki ABŞ-ın hər hansı bir dövlətin belə bir addım atması qeyri mümkündür.

-ATƏT-in və digər beynəlxalq təşkilatların Dağlıq Qarabağ münaqişəsi ilə bağlı gördüyü işlər sizi qane edirmi?

- Bəzi məsələlərdə ATƏT-in işini qənaətbəxş etmək olar. Amma onların ikili standart yürütməkləri danılmazdır. Bir çox dövlətlər Krımın Ukraynanın ayrılmaz hissəsi olduğunu açıqdan açığa bəyan etsələr də Dağlıq Qarabağın Azərbaycanın olduğunu bəyan etmirlər. Bu ATƏT-in Mink Qrupunun, Avropa Birliyinə üzv dövlətlərin bəyanatlarında da özünü göstərir. Düzdü onlar ümumi şəkildə Azərbaycanın ərazi bütövlüyünə dəstək olduqlarını bildirirlər. Lakin Ermənistanın xoşuna gəlsin deyə Dağlıq Qarabağın Azərbaycanın ayrılmaz hissəsi olduğunu demirlər. Buna da ikili standart deyilir.

- Burada din faktoru rol oynayırmı?

- Xeyir. Sadəcə istəyirlər ki, Azərbaycan onların dediyi formada siyasət yürütsün. Yalnız o zaman həqiqətləri dillərinə gətirmək istəyirlər. Bilirsiniz ki, Azərbaycan müstəqil dövlətdir. Regionda müstəqil siyət yürüdür. Bizdən gözlədiklərini əldə edə bilmədikdə ürəklərindəki həqiqətləri dilə gətirmirlər.

- Demək olarmı ki, beynəlxalq təşkilatların bu ikili münasibəti erməniləri daha ürəkləndirir və cəbhə boyunca təxribatlarının davam etməsinə səbəb olur?

- Hesab edirəm ki, bu ikili standart da cəbhə boyunca ermənilərin təxribatlarına qismən təsir göstərir. Ancaq bu gün Ermənistanın arxasında müəyyən güc dövlətləri durur. Bu dövlətlər də Ermənistanı idarə edir. Çünki Ermənsitan müstəqil xarici siyasət yürüdə bilmir. Bir çox xarici dövlətlərin iradəsi əsasında fəaliyyət göstərir. Bəzən danışıqlar zamanı Ermənistan güzəştə getmək istəyir amma müxtəlif xarici təsirlərin nəticəsində onlar danışıqları pozur.

- Bilirsiniz bu il Azərbaycanda Prezident seçkiləri keçiriləcək. Yeni Azərbaycan Partiyasının namizədi bəllidirmi?

- Prezident seçkilərinə hələ xeyli zaman var. Seçkilər elan olunduqdan sonra kompaniyalar başlayacaq. YAP-ın prezident seçkiləri ilə bağlı qurultayı keçiriləcək. Həmin qurultayda YAP-ın namizədi bəlli olacaq.

Aysel Yusifqızı

Fotolar: Pərviz Həşimi

"İrəvanı o vaxt beynəlxalq sənədlərlə Ermənistana paytaxt verdik" - MÜSAHİBƏ"İrəvanı o vaxt beynəlxalq sənədlərlə Ermənistana paytaxt verdik" - MÜSAHİBƏ"İrəvanı o vaxt beynəlxalq sənədlərlə Ermənistana paytaxt verdik" - MÜSAHİBƏ


Sonxeber.az Telegramda izləyin instagramda izləyin
Siyasət   Baxılıb: 1400   Tarix: 09 yanvar 2018  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

"Bu il bu proses davam edəcək"

"Biz İkinci Qarabağ müharibəsi zamanı və antiterror əməliyyatı nəticəsində böyük qəhrəmanlıq göstərmişik. Allah bütün şəhidlərimizə rəhmət eləsin. "Qafqazinfo" xəbər verir ki, bu barədə Prezident İlham Əliyev Novruz bayramı münasibətilə Azərbaycan xalqına təbrikində bildirib. "Şəhidlərimizin

18 mart
.

Baş nazir quru sərhədlərinin açılmamasından DANIŞDI

"Quru sərhədlərinin bağlı olmasını ümumdaxili məhsulla bağlamaq düzgün deyil". APA xəbər verir ki, bunu Milli Məclisin bu gün keçirilən iclasında Baş nazir Əli Əsədov deyib. Baş nazir bildirib ki, 2021-ci ilin mart ayından Azərbaycanın quru sərhədləri bağlanıb:. "Bu, mənim baş nazir kim

15 mart
.

Bakının informasiyası var: 5 apreldə nə baş verəcək?

Aprelin 5-də Ermənistan Baş naziri Nikol Paşinyanın ABŞ Dövlət katibi Entoni Blinken və Avropa Komissiyasının sədri Ursula fon der Leyenlə Brüsseldə planlaşdırılan görüşü Cənubi Qafqazda siyasi tarazlığa ciddi şəkildə təsir edə bilər. xəbər verir ki, bu barədə siyasi şərhçi Asif Nərimanlı öz sosial şəbək

28 mart
.

Azərbaycan DİN qırğız vətəndaşlarla bağlı məlumat yaydı

Qırğız Respublikası hüquq-mühafizə orqanlarının 23 mart 2024-cü il tarixli mətbuat açıqlamasında Qırğız Respublikası ərazisində 5 nəfər azərbaycanlının şübhəli şəxs qismində saxlanması barədə məlumat verilib. xəbər verir ki, bununla bağlı Azərbaycan Daxili İşlər Nazirliyi məlumat yayıb. Məlumatda qey

26 mart
.

İlham Əliyev Vladimir Putini təbrik edib

Martın 18-də Azərbaycan Respublikasının Prezidenti İlham Əliyev Rusiya Federasiyasının Prezidenti Vladimir Putinə zəng edib. Bununla bağlı Prezidentin Mətbuat Xidməti məlumat yayıb. Prezident İlham Əliyev Vladimir Putini prezident seçkisində qələbə qazanması münasibətilə təbrik edib, ona ölkənin inkişaf

18 mart
.

Sahibə Qafarovanın İsveçrəyə səfəri başlayıb

Milli Məclisin sədri Sahibə Qafarovanın başçılığı ilə parlament nümayəndə heyəti İsveçrə Konfederasiyasının Cenevrə şəhərinə işgüzar səfərə gəlib. Bu barədə "Report"a parlamentin Mətbuat və ictimaiyyətlə əlaqələr şöbəsindən məlumat verilib. Cenevrə Beynəlxalq Hava Limanında nümayəndə heyətin

22 mart
.

Ombudsman Xankəndidə erməni əsilli sakinlərlə görüşüb - FOTO

Azərbaycanın İnsan Hüquqları üzrə Müvəkkili (Ombudsman) Xankəndidə erməni əsilli sakinlərlə görüşüb, həssas əhali qrupları üçün yaradılmış sığınacağa baş çəkib. Bu barədə -a Ombudsman Aparatından məlumat verilib. Qeyd edilib ki, Ombudsman Səbinə Əliyeva Xankəndi şəhərində erməni əsilli sakinlərlə görüşüb

28 mart
.

Blinkendən Novruzla bağlı PAYLAŞIM

Baharın gəlişini və yeni başlanğıcları bildirən Novruz bayramınız mübarək. xəbər verir ki, bu barədə ABŞ dövlət katibi Entoni Blinken "X" hesabında paylaşım edib. "Ailə bağları və daha parlaq bir gələcək üçün bu dəyərlərə sadiq qalaq", - deyə paylaşımda vurğulanıb

20 mart
.

Zaxarova: "Aİ-nin Ermənistandakı müşahidə missiyası Rusiya, İran və Azərbaycan əleyhinə casusluq edir"

"Aİ-nin Ermənistandakı müşahidəçi missiyası Rusiya, İran və Azərbaycan əleyhinə casusluq edir və bu, regionda gərginliyi artırır". Bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib. "Ermənistan ərazisindən Avropa İttifaqının missiyası ölkəmizə, İrana

20 mart