Baş nazir avtobus sürücüsü oldu - FOTO

Baş nazir Binali Yıldırım "TRT"də yayımlanan "Könül dağı" proqramının xüsusi bölümünə qonaq olub. 1978-ci ilə aid model avtobusun sürücü yerinə keçərək avtobusu istifadə edən Yıldırım istifadə etdiyi avtobusun özü üçün böyük mənası olduğunu bildirib.

1978-ci ildə avtobus sürücüsü olaraq başladığını bildirən Yıldırım söhbətdə prezidenti Ərdoğanla necə tanış olduqları haqqında da danışıb.

Sonxeber.az GoldNews.Az-a istinadən xəbər verir ki, baş nazir Binali Yıldırım hollandiyalı xəbər müxbiri Wilco van Herpenə müsahibə verib.
İstifadə etdiyi avtobusun özü üçün çox böyük mənası olduğunu bildirən nazir "Hazırda sürdüyümüz avtobusun mənim üçün çox böyük əhəmiyyəti var. 1978-də mən sürücülük ilə işə başladım, o zaman aldığımız avtobus bu idi. Yəni eyni model avtobus, o zamanlar çox məşhur idi, belə avtobusu olana alçaldıcı nəzərlərlə baxılırdı. Biz atamla birlikdə 78-ci ildə bu işə başladıq və 84-cü ilə qədər bu işlə məşğul olduq. Bu münasibətlə də Türkiyənin hər tərəfinə sərnişin nəqliyyatı apardıq" deyib.

Nazir və yaxud baş nazir olmaq haqqında düşünmürdüm "Allah nə qismət edirsə, o olur. İstəməklə deyil, hər şey istəməklə olmur. Təbii ki, çalışacaqsınız, çalışacaqsan, amma sonunda təqdir himayədarınındır" şəklində danışıb.

"Prezidentimizlə Kasımpaşada tanış olduq. Özü ordandır, mən də məktəbi Kasımpaşada bitirmişəm. İlk dəfə 70-ci ilin sonunda Milli Səlamət partiyasında siyasətlə məşğul olurdu, Gənclik Qollarında və eyni zamanda da Camialtıda futbol oynayırdı, o münasibətlə tanış olduq. Daha sonra İstanbul Böyükşəhər Bələdiyyə Sədri olanda mən də orada "İDO"nun baş direktoru olmuşam, 94-99-cu illəri arasında birlikdə çalışmışıq və onu çox böyük uğurlu şirkət halına gətirdik. Mən 99-cu ildə vəzifədən ayrıldığım zaman "İDO" sürətli dəniz nəqliyyatında dünyanın ən böyük şirkəti idi.

Prezidentimiz məlum vəzifə müddətini başa vurmadan həbs olundu. Mən də "İDO"dan ayrıldım, daha sonra sərbəst davam etdim. Sonra prezidentimiz 2001-ci ildə Ədalət və İnkişaf Partiyasını qurarkən məni də dəvət etdi ki, partiyanın qurucuları arasında yer aldım.

12 ildən artıq Nəqliyyat Naziri vəzifəsində işlədim, bütün bu körpülər, yollar, hava limanları, internet, genişzolaqlı dəmir yolları, sürətli qatar o dövrdə inşa edilib. Türkiyədə şərqdən qərbə, şimaldan cənuba çox böyük bir infrastruktur inkişaf həmləsini həyata keçirdik.

Daha sonra hamıya məlum olan 2016-cı ilin mayında AK Partiyada bir vəzifə dəyişikliyi oldu, AK Partiyanın başçısı oldum ki, konqresdən sonra prezidentimiz hökuməti qurma vəzifəsini verdi. O gündən bəri də məhz 65-ci Hökumətdə missiyamızı davam etdiririk, prezidentimizlə bərabər onun liderliyində ölkəmiz üçün, millətimiz üçün çalışmağa cəhd edirik".

Telegramda izləyin

instagramda izləyin