Böyük müharibə olacaqmı? - Putin bu ölkədə Qarabağ ssenarisini reallaşdırır

Böyük müharibə olacaqmı? - Putin bu ölkədə Qarabağ ssenarisini reallaşdırır"Rusiya və Ukraynanın münasibətlərində çətin ki, 2018-ci ildə hansısa mühüm dəyişikliklər olacaq".

Belə proqnozu "Novaya Vremya" nəşrində dərc etdiyi yazısında siyasi şərhçi Dmitri Oreçkin səsləndirib.

Onun sözlərinə görə, Rusiya qoşunları geri çəkilməyəcək və Ukrayna qoşunları Donbasın qayıdışı üçün hücuma başlamayacaq.

"Əhəmiyyətli hərəkətlər ehtimal ki, daha çox mənfi nəticələr gətirəcək, nəinki müsbət. Əgər Rusiya prezidenti hücuma keçərsə, bu, sanksiyaların daha bir zərbəsinə və Putinin daxili siyasi mövqeyinin zəifləməsinə gətirib çıxaracaq. Eyni çaya ikinci dəfə girmək olmaz: Donbas birləşməsi Rusiya əhalisini sevindirməyəcək. Poroşenko hücum edərsə, onda o, Qərbin dəstəyini almayacaq. Nə Putinə, nə də Poroşenko üçün ciddi əməliyyatlara getmək maraqlı deyil. Mübadilə şəklində ittihamlar, təmas xətti boyu atışmalar, terror aktları və diversiyalar olacaq. Amma böyük müharibə olmayacaq, çünki o nə heç bir tərəfə lazım deyil", - o qeyd edib.

Dmitri Oreçkinin sözlərinə görə, Putin sadəcə bütün Qərb və dünyanın Krımın Rusiyaya birləşməsini və Donbasın havadan asılı vəziyyətdə olan statusunu qəbul etməsini istəyir:

"Putin oturur və gözləyir ki, Qərb bu vəziyyətlə barışacaq. Donbas yəqin ki, Şimali Kipr Respublikası və ya Dağlıq Qarabağ kimi havadan asılmış vəziyyətdə olacaq. Təbii ki, zərərçəkmiş ölkənin rəhbərliyi bu faktı heç vaxt tanımayacaq və tikəni özünə birləşdirmiş təcavüzkar ölkəyə güzəşt etməyəcək. Sual odur ki, Putin bu tikəni həzm edə biləcəkmi? Bu, hələ ki onun üçün çətindir, çünki resursları çatmır".

Rusiya prezidentinin köməkçisi Vladislav Surkovla (Rusiyanın Donbas üzrə "kuratoru" adlandırılır - red.) ABŞ-ın Ukrayna üzrə xüsusi nümayəndəsi Kurt Volkerin sülh missiyasına gəlincə, Oreşkin görüşlərin davam etdiriləcəyi qənaətindədir.

"Volker Surkova xoşagəlməz sualları verəcək və o bu suallara cavab tapacaq. Və vəziyyət həvəssiz şəkildə davam edəcək. Aydındır ki, resursların çatışmazlığı üzündən Moskva nə "LXR" və "DXR" (Donbasda yaradılan rusmeylli separatçı qurumlar, "xalq respublikaları" adlandırılır –red.) özünə birləşdirəcək, nə də onların Ukraynaya qaytarılması üzrə razılaşmanı imzalayacaq", - Oreşkin yekunlaşdırıb.

Mənbə: publika.az

Siyasət   Baxılıb: 1988   Tarix: 11 yanvar 2018  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR