Bakıda ciddi qanun pozuntusu yaradan yol polisi ilə bağlı rəsmi açıqlama

Bakıda Dövlət Yol Polisi İdarəsinin əməkdaşının Xırdalan-Binəqədi-Balaxanı yolunda kobud şəkildəqayda pozmasına aydınlıq gətirilib.

Bakı Şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədov Sonxeber.az-a açıqlamasında bildirib ki, qanunun tələbinə əsasən operativ nəqliyyat vasitlərinin sürücüləri zərurət yarandıqda yol hərəkəti haqqında qanunun tələbini pozmağa icazə verilir.

"Yayılan videoda xəta aşkar edilməyib. Orada qayda pozuntusu qeydə alınmayıb. Həmin hadisənin çəkilməsi və qayda pozuntusu olaraq təqdim edilməsi düzgün yanaşma deyil. Sükan arxasında əyləşən əməkdaş bilir ki, onun hərəkətinə nəzarət edən texniki vasitələr var. Zərurət yaranmadan belə yol –hərəkəti qaydalarının pozulması həmin əməkdaşın cəzalandırılması, həqiqətən də xətaya yol verməsi deməkdir. Həmin görüntülərdə operativ nəqliyyat vasitəsinin sürücüsü olan polis əməkdaşının qaydanı pozduğu müşahidə edilməyib".

Qeyd edək ki, mətbuatda Bakıda Dövlət Yol Polisi İdarəsinin əməkdaşının Xırdalan-Binəqədi-Balaxanı yolunda qaydanı kobud şəkildə pozması ilə bağlı məlumat yayılmışdı.
Hadisə şahidlərinin göndərdiyi videoda görünür ki, DYP əməkdaşı xidməti avtomobili ilə qadağan olunmuş yerdə ötmə əməliyyatını həyata keçirib.

Aysel Kərimova

Telegramda izləyin

instagramda izləyin