Bakının problemli ərazisi - Aidiyyatı qurumlar danışdı

Xəbər verdiyimiz kimi, Babək prospektində yenidənqurma və tikinti işləri ilə əlaqədar olaraq hərəkət qismən məhdudlaşdırılıb və nəticədə avtomobillər NZS qəsəbəsinin ara yolları ilə hərəkət etməli olub. Bu isə NZS qəsəbəsi Oqtay Vəliyev küçəsində öz büdcələri hesabına yola asfalt çəkdirən sakinlərin etirazına səbəb olub.

Sakinlərin Sonxeber.az-a verdiyi məlumata görə bu gün səhər saatlarından qəsəbənin Oqtay Vəliyev küçəsində işıq və su təminatında problem yaranıb.

Məsələ ilə bağlı aidiyyatı qurumlarla əlaqə saxlamağa çalışdıq.

"Azərişıq" ASC-nin mətbuat xidmətinin rəhbəri Tanrıverdi Mustafayev Sonxeber.az-a açıqlamasında NZS qəsəbəsi Oqtay Vəliyev küçəsində elektrik enerjisi təminatında problem yaranmasının səbəbini açıqlayıb.
O bildirib ki, ərazidən keçən kamaz maşını Azərışıq ASC-yə məxsus elektrik dayağını zədələyib. Hazırda əməkdaşlarımız həmin dayağı bərpa edirlər. Əməkdaşlarımızın təhllükəsizliyi elektrik enerji təminatında qısamüddətli fasilə verilib. Gün ərzində sakinlərin işıq problemi aradan qaldırılacaq. Ərazidə bərpa işləri yekunlaşmaq üzrədir.

Problemlə bağlı "Azərsu" ASC-nin mətbuat xidmətinin rəhbəri Anar Cəbrayıllı Sonxeber.az-a açıqlamasında deyib ki, Babək prospektinə böyük su xəttləri çəkilir. Ərazinin su təchizatının dayanıqlılığını tam təmin edəcəyik. Hazırda Xətai rayon su kanal idarəsinin əməkdaşları əraziyə baxış keçirəcəklər. Vətəndaşların şikayəti qeydiyyat alınıb. Sakinlərə nə kömək laızmdırsa göstəriləcək. Ərazidə suyun olmaması səbbələri araşdırılacaq. Ərazidə deyildiyi kimi qəza hadisəsi varsa problem aradan qaldırılacaq.

"Azəravtoyol" ASC-nin ictimaiyyətlə əlaqələr şöbəsinin rəisi Anar Nəcəfl isə Sonxeber.az-a açıqlamasında adı NZS qəsəbəsi oktay Vəliyev küçəsində yolun bərpası yerli icra hakimiyyətinin səlahiyyətindədir. Çünki məhəllə arası yollar "Azəravtoyol" ASC-nin tabeliyində deyil. Həmin yol "Azəravtoyol"-un təmir olunacaq yolları siyahısına daxil deyil.

Sakinlərin verdiyi məlumata görə, avtobusların və ağır tonnajlı maşınların hərəkəti nəticəsində asfalta ciddi ziyan dəyib, kanalizasiya partlayıb. Həmin ərazidən isə yüksək gərginlikli yeraltı elektrik naqilləri (34 kv) keçir. Yolun altı ilə çəkilən elektrik xəttinə ziyan dəymə təhlükəsi var.

Aysel Kərimova

Telegramda izləyin

instagramda izləyin