Dünya birjalarının dəyəri açıqlandı – RƏQƏMLƏR

Dünya birjalarının dəyəri 2017-ci ildə 2016-cı illə müqayisədə 15,5 faiz artaraq 80 trilyon 838 milyard dollar olub.

Sonxeber.az Oxu.Az-a istinadən xəbər verir ki, 2016-cı ildə birjaların həcmi 70 trilyon 15 milyard 536 milyon dollar olub.

Bir il ərzində birjalar 15,5 faiz artıb. Ən yaxşı göstəricini Asiya-Sakit Okean birjaları nümayiş etdirib. 25,7 faiz artımla 28 trilyon 968,5 milyard dollara çatıb.

Amerika bölgəsindəki birjalar 17,8 faiz artaraq 36 trilyon 517,1 milyard dollar olub. Avropa, Afrika və Orta Şərq bölgəsindəki birjalar 3,9 faiz artaraq 15 trilyon 352,2 milyard dollar təşkil edib.

Dünya birjaları arasında dəyəri ən sürətlə yüksələn Belarus birjasıdır. Belarus birjasının dəyəri 127 dəfə artaraq 157 milyard 616,5 milyon dollara çatıb. Ötən il Belarus birjasının dəyəri 132 faiz artmışdı.

Dünya birjaları arasında ən böyük bazar payına yenə də Nyu-York Birjasındadır. 2016-cı ildə bu birjanın dəyəri 19 trilyon 573,1 milyard dollar, 2017-ci ildə isə 12,8 faiz artımla 22 trilyon 81,4 milyard dollar təşkil edib.

Nasdaq OMX isə bazar dəyərini 29,1 faiz artıraraq 10 trilyon dollardan yuxarı yüksəldib. Bazar dəyərinə görə birjalar arasında üçüncü sıranı 6,2 trilyon dollarla Japan Exchange Group tutub.

Telegramda izləyin

instagramda izləyin