Xədicə İsmayıla tərs sillə: "Porno video sahibinin..."

"Show radio ilə bağlı Twitter sosial şəbəkəsində paylaşılan "xəbər"ə mən də, sivil vətəndaş olaraq münasibətimi bildirdim".

Bunu BiG.AZ-a açıqlamasında jurnalist Fidan Afər deyib.

Fidan Afər qeyd edib ki, həmin xəbərin altından Xədicə İsmayıl da ölkəmiz üçün həqiqətə uyğun olmayan, böhtan xarakterli şərh yazmışdı: "Mən də onu sivil qaydada tənqid etdim. Xədicə İsmayıl mənə şər-böhtan ataraq profilimi saxta adlandırdı. Amma sonra gördü ki, xeyli jurnalist dostum məni müdafiə edir. Xədicə də növbəti yalanını danışmağa başladı. Bildirdi ki, guya mənim profilim əvvəl saxta olub. Sonradan mənə bağışlanıb. Bu insan bir dəqiqənin içərisində 2 yalan danışdı. Bu da azmış kimi, o öz biabırçı təxəyyülünü "Facebook" sosial şəbəkəsində də, paylaşaraq, eyni təhqirləri yazdı. Mən ona sivil qaydada cavab verdim və üzr istəməsini tələb və təklif etdim. Qarşılığında isə məni əngəllədi. Görünür, o, sivil danışıq qaydalarına uyğun insan deyil. Çünki o, təhqirlə, böhtanla yoğrulmuş insandır. Mən onu qınamıram. Çünki düşünmürəm ki, porno videoların sahibi sivil qaydada danışıqlara hazır olsun. Düzü, mənim onun kimilərinə ayırmağa vaxtım da yoxdur".

Xatırladaq ki, Twitter sosial şəbəkəsində yayılan "RTÜK"ün "Show Radyo"ya cəza tətbiq etməsi xəbərinə jurnalist Xədicə İsmayıl tərəfindən ölkəmiz haqqında həqiqəti əks etdirməyən və ölkəmizin imicinə xələl gətirən rəyin yazılması çoxsaylı şəbəkə istifadəçiləri və digər həmkarları tərəfindən, eləcə də tanınmış jurnalist Fidan Afər tərəfindən tənqidlərlə qarşılanıb. Tənqidləri həzm edə bilməyən Xədicə İsmayıl isə şəxsi hesabında paylaşım edərək tərəfdaşlarını digər həmkarına qarşı yönəldib və onun ünvanına xoşagəlməz ifadələr yazılıb.

Aysel Yusifqızı

Telegramda izləyin

instagramda izləyin