İrem Dericini Bakıya gətirən təşkilatçı: "Bizimkilərə baxanda əcnəbilərlə işləmək daha sərfəlidir"

Məşhur türkiyəli müğənni İrem Dericini Azərbaycana gətirən təşkilatçı Asif Hüseynov xanim.az-ın qonağı olub. Təşkilatçı ilə müsahibəni təqdim edirik:

- Asif bəy xoş gəlmişsiniz, ilk öncə sual vermək istərdik ki, niyə məhz İrem Derici ?

- Xoş gördük. Vallah, çox araşdırdıq, əslində seçimimizin İrem Derici olmağının çox səbəbləri var. Belə baxanda təkcə Türkiyədə yox, Azərbaycanda da İrem Dericiyə tələbat var. Həmin gün həm bizim milli bayramımız Novruz bayramının qeyd edildiyi gündür, həm də İremin ad günüdür. Həm də maliyyə baxımından sərf etdi, yaxşı qiymətə razılaşdıq.

- Bəs İremlə bir səhnəni hansısa məşhurumuz bölüşəcəkmi? Ümumiyyətlə, bizim məşhurlardan sizə belə təkliflər gəlirmi ki, "sizə pul verim, səhnəyə çıxım" məqsədilə?

- Adlarnı çəkməyəcəm, amma zəng edənlər olur ki, nə qədər lazımdırsa, verim, mənim də adımı da yazın o səhnəyə çıxım. Avqust ayında növbəti bir müğənnini gətirəndə onda bəlkə razılaşaram.

- İremin Bakıdakı konserti necə planlaşdırılıb?

- İremin Bakıdakı konsertinə 26 min nəfərlik yer gütürmüşük. Konsert Crystall Hall-da təşkil ediləcək, İrem 20- 22 mahnı ifa edəcək. Konsertdə azərbaycanlı sənətçilərdən yalnız Xalq ulduzu müsabiqəsində iştirak edən müğənni Anar Nəbiyev səhnədə yer alacaq. Anar yeni mahnısını da təqdim edəcək. Konsertin aparıcısı isə məşhur şoumen Kamran Həsənli olacaq.

- Bəs yerli müğənnilərimizdən kimlərlə işləyirsiz?

- Düzünü desəm, Türkiyədə qiymətlər yerli müğənnilərimizin qiymətlərindən sərfəlidir.
Bir təşkilatçı olaraq digər təşkilatçıların fəaliyyətindən razısınızmı?

- Deyərdim ki, Azərbaycanda ən uğurlu təşkilatçı Nahid Emil oğludur ki, o, dünya ulduzlarını belə ilk dəfə Bakıya gətirib.

Elman Məmmədov

Telegramda izləyin

instagramda izləyin