Azərbaycanda sevgi cinayəti: qudasının evində sevgilisini qanına qəltan etdi

Ağdam rayonunda baş vermiş bıçaqlanma hadisəsi ilə bağlı maraqlı məqamlar üzə çıxıb. Lent.az xəbər verir ki, Gəncə şəhər sakini, 44 yaşlı Lalə Əliyevanın (adlar şərtidir) Ağdamın Xındırıstan kəndində yaşayan qudasının evində 1974-cü il təvəllüdlü Paşa Yusifovu qısqanclıq zəminində bıçaqladığı məlum olub.

Bildirilir ki, Lalə Əliyeva bir neçə gün əvvəl Xındırıstanda oğlunun qayınanası olan T.M-in evinə qonaq gəlib. O, dünən sürücü kimi xidmətindən istifadə etdiyi və qeyri-rəsmi nikahda yaşadığı Paşanı Ağdama çağırıb. Onlar gecəni Xındırıstanda Lalənin qudasının evində keçiriblər və gecə saatlarınadək yeyib-içiblər. Bir qədər sonra Paşanın telefonuna gələn müəmmalı zəng səbəbindən Lalə özündən çıxıb və münaqişə baş verib. Sərxoş qadın bıçaqla sevgilisinə hücum edib və ona iki zərbə endirib. Qarın və çiyin nahiyəsindən xəsarət alan kişi xəstəxanaya yerləşdirilib.

Bildirilir ki, hadisənin baş verdiyi evin sahibəsi olan T.M xeyli əvvəl həyat yoldaşından boşanıb. Onun qızı bir müddət əvvəl Lalənin oğlu ilə ailə qurub. Qudalar bundan sonra daha da dostlaşıb.

Hadisəni törədən qadın saxlanılıb. Faktla bağlı cinayət işi açılıb, araşdırma aparılır.

***

Ağdamda bıçaqlanma hadisəsi baş verib.

Gəncə şəhər sakini, 44 yaşlı Lalə Əliyeva (adlar şərtidir) Ağdamın Xındırıstan kəndində yaşayan qudasının evinə qonaq gedib. Bərdə rayonundan olan 1974-cü il təvəllüdlü Paşa Yusifov da həmin evdə olub. Evdə yemək yeyilərkən L. Əliyeva ilə P. Yusifov arasında mübahisə baş verib. Nəticədə L. Əliyeva P. Yusifovu bıçaqlayıb. İki bıçaq xəsarəti alan şəxs Ağdam Mərkəzi Rayon Xəstəxanasına, oradan Bərdə Mərkəzi Rayon Xəstəxanasına aparılıb.

Qadın isə saxlanılıb. Faktla bağlı araşdırma aparılır.

Mənbə: APA

Telegramda izləyin

instagramda izləyin