YAP onlardan niyə imtina etdi? - ŞOK FAKTLAR

YAP onlardan niyə imtina etdi? - ŞOK FAKTLARYeni Azərbaycan Partiyasının (YAP) deputatlığa namizədliyini irəli sürmədiyi deputatların adları məlum olub.

Partiyanın açıqladığı deputatlığa namizədlər siyahısında hazırda YAP-ın deputatı olan bəzi şəxslərin adı yoxdur.

Siyahıya salınmayan şəxslərin arasında Bakı Dövlət Universitetinin (BDU) rektoru, Milli Məclisin deputatı Abel Məhərrəmovun adı da var.

Sonxeber.az femida.az-a istinadla bildirir ki, o, noyabrın 1-nə təyin olunan parlament seçkilərində namizədliyini irəli sürməyəcəyini və rektor olaraq fəaliyyət göstərəcəyini demişdi.

"Bu, doğru qaydadır, özü də çox doğru qaydadır. Belə bir təcrübə dünyada da mövcuddur. Adam bir vəzifə daşımalıdır, biz də bu qayda ilə tamamilə razıyıq. Mən rektor olaraq öz vəzifəmi icra edəcəm, bu il keçiriləcək parlament seçkilərində YAP-ın deputatlığa namizədi olmayacam. Partiyadan mənə belə məsləhət olundu və mən də razılaşdım. İndi belə bir seçim qoyulub. Deputatlığa namizəd kimi gənclər irəli sürülüb. Hesab edirəm ki, YAP-ın yeni deputat üzvləri köhnələrdən heç də pis işləməyəcək. YAP-ın tanınmış gənclərinin namizədlikləri irəli sürülüb".

Yeni Azərbaycan Partiyasının deputatlığa namizədləri siyahısına salınmayan şəxslərin arasında Rəbiyyət Aslanova da var. Millət vəkili növbəti seçkilərdə iştirak etməyəcəyini belə şərh edib:

"Partiyamız necə məsləhət bilir elə də olur. Mən bu partiyanın üzvüyəm və YAP-ın qərarına da hörmətlə yanaşıram. Həmin dairədən namizədliyini irəli sürmüş şəxsə uğurlar arzu edirəm. Hər şey dövlətimiz, ölkəmiz üçündür."

Xatırladaq ki, xanım millət vəkilinin oğlu Elnur Aslanovun adı Türkiyədə məşhur olan "nurçuluq"da hallanmışdı. "Nurçu"ların lideri və "Hizmet" hərəkatının rəhbəri, hazırda ABŞ-ın Pensilvaniya ştatında yaşayan Fəthullah Gülənə yazılmış və "elnur_aslanov" ünvanlı elektron poçtdan göndərildiyi iddia olunan məktubu yerli media da yaymışdı.

Məktubda Fəthullah Gülənin səhhətindən narahatlıq ifadə olunur, məktub müəllifinin hərəkata "sadiq" qaldığı vurğulanırdı. Müəllif anası "Rəbiyyət xanımın salam və hörmətləri"ni də izhar edirdi.

"Partiya necə məsləhət bilibsə, elə də olmalıdır".

Bu sözləri isə hakim partiyanın 2015-ci ilin noyabrın birində keçiriləcək seçkidə namizəd siyahısında adı olmayan millət vəkili Fərhad Qəribov deyib.

O, bildirib ki, hər bir partiya üzvü dövlətin əsgəridir:

"Nə deyiblərsə onu da edəcəyik. Müstəqil şəkildə namizədliyimi irəli sürməyəcəm".

Qeyd edək ki F.Qəribov 57saylı Kürdəmir seçki dairəsindən deputatdır. Onun yerinə Qəribov Nizami İsməli oğlunun namizədliyi irəli sürülüb.

Xatırladaq ki, Fərhad Qəribovun adı "Debüt" Kommersiya Bankı vasitəsilə dövlətin 2,96 milyon manatının mənimsənilməsi xəbərlərində hallanırdı. Onun məsələ ilə bağlı qeyri-rəsmi olaraq dindirildiyi haqda da məlumatlar yayılmıdı.

"Debüt" Kommersiya Bankı ASC-nin vəzifəli şəxslərinin qanunsuz hərəkətlərinə dair İqtisadiyyat və Sənaye Nazirliyinin Sahibkarlığa Kömək Milli Fondundan daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırma aparılmışdı.

Hazırda deputat olan, amma adı gələcək seçkilər üçün hazırlanan siyahıya düşməyən şəxslərdən biri də Ayaz Orucovdur.

Ayaz Orucov da açıqlamasında müstəqil şəkildə namizədliyini irəli sürməyəcəyini bildirib:

"Partiya necə məsləhət bilibsə elə də olmalıdır…"

Hazırda 81 saylı Beyləqan seçki dairəsindən deputat Ayaz Orucovun yerinə İsmayılov Şahin Əmir oğlu namizəd olub.

Xatırladaq ki, A. Orucov da bir zamanlar mətbuatın gündəminə oğlunun paytaxtda bir maşını gülləyə tutması ilə gəlmişdi. Belə ki, ötən il, noyabrın 13-dən 14-nə keçən gecə deputat Ayaz Orucovun oğlu İsmayıl Orucov Binəqədi rayonu, Azadlıq prospektində ağ rəngli, "Mercedes Galenvagen" markalı, Az 10 BB 111 nömrə nişanlı maşından ağ rəngli, "Nissan Juke" markalı, Az 90 NX 685 nömrə nişanlı maşına 8 dəfə atəş açıb. Həmin vaxt "Nissan Juke"də iki qadın - sürücü Ramilə Süleymanova və onun sərnişini Aynurə Novruz qızı Cəfərova olub.

Sonradan deputat oğlu bu hərəkətini "kefinin köklüyü" ilə izah etmişdi.

Hakim partiyadan namizədliyini irəli sürməyən 13 deputatın adlarını təqdim edirik:

109 saylı Balakən Seçki Dairəsindən deputat seçilmiş Rəbiyyət Aslanova,

6 saylı Culfa-Babək Seçki Dairəsi İsmayıl Hacıyev,

16 saylı Yasamal II Seçki Dairəsindən Abel Məhərrəmov,

27 saylı Sabunçu II Seçki Dairəsindən Qalib Salahzadə,

62 saylı Saatlı Seçki Dairəsindən Cəlal Əliyev,

81 saylı Beyləqan Seçki Dairəsindən Ayaz Orucov,

87 saylı Ağsu-İsmayıllı Seçki Dairəsindən Ərəstun Cavadov,

97 saylı Goranboy-Ağdam-Tərtər Seçki Dairəsindən Gülçöhrə Məmmədova,

55 saylı Xaçmaz şəhər Seçki Dairəsinfən Arif Əşrəfov,

57 saylı Kürdəmir Seçki Dairəsindən Fərhad Qəribov,

77 saylı Astara Seçki Dairəsindən Aslan Cəfərov,

107 saylı Qazax Seçki Dairəsindən Əhməd Vəliyev

121 saylı Laçın Seçki Dairəsindən Nazim Fərəcov


Sonxeber.az Telegramda izləyin instagramda izləyin
Siyasət   Baxılıb: 1461   Tarix: 16 sentyabr 2015  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

"Əvvəl sən bir güzgüyə bax" - İlham Əliyev

"Bir neçə gün bundan əvvəl Avropa Parlamenti Azərbaycan ilə bağlı qətnamə qəbul etmişdir. Deyə bilərəm ki, bu qətnamə tamamilə əsassızdır, yalan, böhtan, qərəzli münasibət üzərində qurulmuş bir siyasi təxribatdır. Biz bilirik ki, bunun arxasında hansı qüvvələr dayanır". . . Sonxeber.az-ın məlumatın

16 sentyabr 2015

YAP seçki siyahısını AÇIQLADI

Hakim Yeni Azərbaycan Partiyasının (YAP) deputatlığa namizədlər siyahısı açıqlanıb.. . Sonxeber.az YAP mətbuat xidmətinə istinadən siyahını təqdim edir.. . Yeni Azərbaycan Partiyasının namizədləri:. . 1 saylı Şərur-Sədərək seçki dairəsi. Talıbov Vasif Yusif oğlu. . 2 saylı Şərur seçki dairəsi . Həbibbəyl

16 sentyabr 2015

Misir Mərdanov: "Xahiş edirəm, məni seçki işinə qatmayın..."

Mətbuatda sabiq təhsil naziri Misir Mərdanovun noyabrın 1-də keçiriləcək parlament seçkilərinə qatılacağı xəbəri yayılıb.. . Məlumatda YAP-ın namizədi olaraq seçkilərə qatılacağı deyilən sabiq nazirlə ilkin razılığın əldə olunduğu da vurğulanıb.. . Hətta, sabiq nazirə 16 saylı Yasamal ikinci seçki dairəsində

15 sentyabr 2015

PA rəsmisi: "Qərb və Avropada heç bir dəyər qalmayıb"

"Universal dəyərlərdən danışmaqdan yorulmayan Qərb və Avropada, deyəsən, heç bir dəyər qalmayıb". . . Sonxeber.az-ın məlumatına görə, bunu Azərbaycan Prezidenti Administrasiyası rəhbərinin müavini, Xarici əlaqələr şöbəsinin müdiri Novruz Məmmədov "Twitter"dəki səhifəsində yazıb.

15 sentyabr 2015

Elmar Məmmədyarov Qarabağ münaqişəsinin həllindən danışdı

Xarici İşlər Naziri Elmar Məmmədyarov Avropa Şurası Parlament Assambleyasının Siyasi Komitəsinin Dağlıq Qarabağ münaqişəsi üzrə məruzəçisi Robert Valteri qəbul edib.. . Sonxeber.az narizlikdən verilən məlumata əsasən bildirir ki, görüşdə Ermənistan-Azərbaycan münaqişəsi üzrə aparılan danışıqlar proses

15 sentyabr 2015

ABŞ-da Azərbaycanla bağlı qətnamə qəbul edildi

Qətnamədə ABŞ və BMT-nın Azərbaycanın ərazi bütövlüyünü, suverenliyini və müstəqilliyini tanıdığı və dəstəklədiyi qeyd olunur. . ABŞ-ın 50 ştatının qanunvericilərini özündə birləşdirən Amerika Qanunvericilik Mübadiləsi Şurası (American Legislative Exchange Council – ALEC) tərəfindən Azərbaycanın stratej

15 sentyabr 2015

"Gənc Heydər Əliyevdən qorxurlar"

Bunu parlamentin sentyabrın 14-dəki iclasında deputat Yevda Avramov deyib.. . "Avropadakı anti-Azərbaycan qüvvələr gənc Heydər Əliyevin tələbəlik fəaliyyətini, şeirlərini izləyirlər. Nədəncə gənc Heydər Əliyevdən qorxurlar. Çünki qorxurlar ki, 20 ildən sonra Azərbaycanda Heydər Əliyev kimi tərbiyəl

15 sentyabr 2015

Azərbaycan avropalı deputatlara sanksiya qoyacaq

Milli Məclis Avropa Parlamentinin qətnaməsinə adekvat cavab verdi .. . Rəsmi Bakı Avronestdə fəaliyyətini dayandırır və avropalı siyasətçiləri məsuliyyətli davranmağa çağırır.. . Oqtay Əsədov: "Bu məsələnin arxasında başqa məqsədlər var". . Dünən Milli Məclisini növbədənkənar iclası keçirilib

15 sentyabr 2015

Bahar Muradova: "Qətnamə azərbaycanlılar üçün təhqirdir"

"Avropa Parlamentinin qəbul etdiyi qətnamə bütün azərbaycanlılar üçün təhqirdir. Kimsə bundan istifadə etməyə çalışırsa, bilin ki, onların arasında əlaqə var".. . Bu sözləri Milli Məclisin sədr müavini Bahar Muradova bu gün keçirilən növbədənkənar plenar iclasda deyib.. . O, ilk olaraq soydaşlarımız

14 sentyabr 2015