Bu deputatlar seçki dairələrini dəyişdilər

Növbəti parlament seçkilərində bir neçə deputat namizədliyini irəli sürdüyü dairəni dəyişib.

Sonxeber.az modern.az saytına istinadən həmin namizədlərin siyahısını təqdim edir.

Dairə dəyişikliyi olan namizəd Milli Məclisin spikeri Oqtay Əsədovdur. Məlum olduğu kimi, spiker əvvəlki çağırışda 8 saylı Binəqədi birinci seçki dairəsindən deputatlığa namizəd olmuşdu. O.Əsədov builki parlament seçkilərinə namizədliyini 45 saylı Abşeron seçki dairəsindən irəli sürəcək.

Xalq artisti Zeynəb Xanlarova ötən seçkilərdə 50 saylı Qobustan-Xızı-Sumqayıt seçki dairəsində seçicilərin etimadını qazansa da, bu dəfə namizədliyini həmin dairədən irəli sürməyəcək.

Dairəsi dəyişən digər deputat Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev 8 saylı Binəqədi birinci seçki dairəsindən namizədliyini irəli sürəcək. A.Quliyev ötən dəfə 46 saylı Şirvan seçki dairəsindən parlamentə üzv seçilmişdi.

Ötən seçkilərdə 44 saylı Sumqayıt-Abşeron seçki dairəsinə mandat uğrunda mübarizədə qalib gələn Hacı Salayev bu dəfə həmin dairədən namizəd olmayacaq.

9 saylı Binəqədi ikinci seçki dairəsində seçicilərin etimadını qazanaraq 5 illik deputat postunu tutan Rafael Cəbrayılov bu dəfə 46 saylı Şirvan seçki dairəsindən deputat mandatı uğrunda mübarizə aparacaq.

Telegramda izləyin

instagramda izləyin