Range Rover-dən yeni rekord: Ferrari-ni geridə qoydu - VİDEO

Range Rover-dən yeni rekord: Ferrari-ni geridə qoydu - VİDEOBritaniyanın Land Rover avtokonserninin istehsal etdiyi Range Rover Sport SVR modeli yeni rekord vurub.

Sonxeber.az milli.az-a istinadən bildirir ki, Çindəki Tyanmen dağının zirvəsinə aparan, dünyanın ən təhlükəli və riskli yollarından hesab olunan 11,3 km uzunluğundakı aşırımda Range Rover Sport SVR modeli İtaliyanın Ferrari konserninin istehsalı olan Ferrari 458 Italia modelini sürət baxımından üstələyib.

Hazırda istehsal edilən Land Rover-lər arasında ən sürətlisi olan Range Rover Sport SVR-i test zamanı peşəkar çinli ralliçi Ho-Pin Tun idarə edirdi.

O, 11,3 kilometrlik dolanbac, 99 döngəli yolu 9 əqiqə 51 saniyəyə qət edib.

Bununla da iki il əvvəl italyan ralliçi Fabio Baronenin Ferrari 458 Italia-nın sükanı arxasında müəyyənləşdirdiyi 10 dəqiqə 31 saniyəlik rekord yenilənib.

Land Rover konserni ötən həftə Cenevrədəki beynəlxalq avtosalonda Range Rover SV Coupe-ni təqdim etmişdi.

Dünyada   Baxılıb: 697   Tarix: 14 mart 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR