Diqqət! Yerdə qasırğa olacaq

"Günəşdə baş verən təlatümlər nəticəsində martın 18-19-u Yerdə maqnit qasırğasının olması gözlənilir".

Bu sözləri Sonxeber.az-a açıqlamasında Azərbaycan Milli Elmlər Akademiyasının Nəsrəddin Tusi adına Şamaxı Astrofizika Rəsədxanasının direktoru, professor Namiq Cəlilov deyib.
Onun sözlərinə görə, martın 18-də maqnit təlatümü müəyyən qədər güclənə bilər. Martın 18-də yerdə maqnit qasırğası baş versə də insanlar hiss etməyəcək və qısamüddətli baş verəcək. Qasırğanın martın 18-19- u gecə saatlarında baş verəcəyi proqnozlaşdırılır. Lakin, 150 milyon km məsafədə hadisələrin sürəti böyük olduğundan dəqiq vaxtı müəyyən edilmir.

"Alışmalar baş verən zaman plazma tullantıları yaranır. Bu yerə yönəldikdə Yer kürəsinin maqnit sahəsini silkələyir. Bununla da maqnit qasırğası yaranır. Bu proses tez-tez baş verir, amma bu dəfə güclü olacağı gözlənilmir. Günəşin səthində bəzi təlatümlər baş versə də o hiss olunacaq səviyyədə olmur". - N. Cəlilov deyib.

Aysel

Telegramda izləyin

instagramda izləyin