Gözləri ilə dünyanın sonundan xəbər verən alimi itirdik

Dünya elminin ən ağır itkisi

Dünya ən dahi insanlarından daha birini itirdi.
Dünya şöhrətli fizik, alim Stiven Hokinq dünyasını dəyişib. O, 77-yaşında vəfat edib. Bu barədə məlumatı fizikin ailəsi yayıb. Alim özünün Kembricdəki evində səhərə yaxın keçinib.

Onun övladları Lusi, Robert və Tim atalarının ölümü ilə bağlı açıqlama yayaıblar. Açıqlamada deyilir: "Sevimli atamızı itirdik. O, çox böyük alim, nəzəriyyələri, mirası illərlə yaşayacaq fövqəladə bir insan idi".

Xatırladaq ki, Hokinq kosmik fəzanın yaranması, problemləri ilə daha yaxından maraqlanırdı. 22 yaşında ona YAS (Yan Amiotrofik Skleroz) xəstəliyi diaqnozu qoyulur. müntəzəm olaraq onun bədəni deformasiyaya uğrayır, yerimək, danışmaq qabiliyyətini itirir.

1985-ci ildə boğazından keçirdiyi əməliyyatdan sonra danışıq qabiliyyətini itirir. Həmin dövrdən bəri fizik ətrafdakı insanlar ilə dostlarının ona bağışladığı əlil arabasına quraşdırılmış nitq sintezatoru vasitəsi ilə ünsiyyət saxlayır. O bu sintezatora əmrləri öz hərəkət qabiliyyətini saxlamış sağ alinin şəhadət barmağı vasitəsi ilə verir.

Ağır xəstəliyə baxmayaraq, Hokinq aktiv həyat tərzi sürür, 2007-ci ildə o, hətta xüsusi hazırlanmış kostyumda çəkisizlik şəraitində uçuş həyata keçirib.

O, dünyanın son ilə bağlı xəbərdarlıqları ilə də tanınıb. Belə ki, fizik dünyanı tərk etməyin labüd olduğunu deyib. Bunun üçün isə bəşəriyyətin maksimum 100 il zamanı var. Fizikin sözlərinə görə, insanlıq həyatda qalmaq üçün bunu etməlidir. BBC-nin yeni sənədli filmi üçün açıqlama verən Hokinq insanların dünyada məskunlaşmaq zamanının getdikcə daraldığını deyirdi. O, bəşəriyyət üçün əsas təhlükələrin - iqlim dəyişikliyi, astroid toqquşması, xəstəliklərin yayılması, insanların sayının sürətlə artması olduğunu deyirdi.

Telegramda izləyin

instagramda izləyin