Təhsil Nazirliyindən işdən çıxarılan direktorlarla bağlı açıqlama

"Ötən il ərzində Azərbaycanda iş fəaliyyətinin son yaş həddinə çatmış 25 məktəb direktoru ilə bağlanmış əmək müqaviləsinə xitam verilib".

Bu barədə Sonxeber.az-ın sorğusuna cavab olaraq Təhsil Nazirliyindən məlumat verilib.

Məlumatda qeyd edilib ki, 2017-ci il ərzində çalışmanın yaş həddinə çatmış ümumi təhsil müəssisələrinin 193 direktorla bağlanmış əmək müqaviləsinin müddəti uzadılıb.

Qeyd edək ki, ümumi təhsil müəssisələrində çalışmağın son yaş həddinə çatmış işçilərlə bağlanmış əmək müqaviləsinin müddətinin uzadılması Təhsil Nazirliyinin 15 iyul 2011-ci il tarixli 1404 nömrəli əmrində qoyulmuş tələb və meyarlar (son ildə haqqında intizam tənbehi tədbirlərinin tətbiq edilməməsi, elmi dərəcə və ya elmi adının olması, dövlət təltifi ilə təltif edilməsi, attestasiyadan 2 dəfə müvəffəqiyyətlə keçməsi, "Ən yaxşı müəllim" müsabiqəsinin qalibi olması, müəssisədə ixtisaslı kadr olmadıqda və ya işçini başqası ilə əvəz etmək mümkün olmadıqda, səhhəti vəzifəsinin icrasına imkan verdiyi halda, işlədiyi kollektivdə və cəmiyyətdə nüfuza malik olması) gözlənilməklə, təhsil müəssisəsinin rəhbəri tərəfindən həyata keçirilir.

Aysel Kərimova

Telegramda izləyin

instagramda izləyin