Azərbaycanda internet saytları bağlana bilərmi?

Azərbaycanda internet saytları bağlana bilərmi?Son zamanlar bir çox şəxslər internet portlarının bağlanması ilə bağlı fikirlər irəli sürüblər. Bununla bağlı hətta əməkdar artıst Aybəniz Həşimova prezidentə müraciətdə ünvanlamışdı. Bu cür müraciətlər çoxalarsa Azərbaycanda internet portalları bağlana bilərmi?

Bununla bağlı Sonxeber.az-a açıqlama verən "Cümhuriyət" qəzetinin baş redaktoru Rafail Becanov bildirib ki, bu kimi fikirlərin səslənməsi ziyanlıdır: "Ona görə də internet medianın, bütünlükdə internetin yasaqlanması kimi guya ideyalar irəli sürmək yanlışdır. Yeni texnologiyalarla mübarizə aparmaq mümkün deyil. İindi az qala bütün dünya internetlə idarə olunur. İnformasiya məkanının əsas daşıyıcısı inetrnet və internet mediadır. Ona görə də saytlar bağlanmalıır kimi fikirləri düzgün saymıram. Bəzən adamlar bilmədikləri nəsnələrdən danışırlar. Gözəl sənətkarımız Aybəniz xanımın müraciətindən xəbərim yoxdur. Bir açıqlamasını oxumuşam, orada deyir ki, səhvən saytlar deyib, əslində sosial şəbəkələr demək istəyib. Ümumiyyətlə, sosial şəbəkələri də qapatmaq mümkün deyil. Dünyadan təcrid olunmaq olmaz və inanmıram ki, dövlət səviyyəsində kimsə belə tələb, yaxud təkliflərə diqqət ayırsın. Amma baqa bir reallıq var ki, sosial şəbəkələrin imkanlarından sui-istifadə halları geniş vüsət alır. Bu da ictimai narahatlıq yaradır, ziyalılar, sənət adamları da mənim fikrimcə, buna görə narahatdırlar. Bu narahatçılığı da haqlı sayıram. Cəmiyyətimizə "söyüş ənənəsi" gətirmək istəyənlər var. Onlarla da hüququn dili mübarizə aparmaq vacbdir".

Azərbaycan İnternet Forumunun prezidenti Osman Gündüz vurğulayıb ki, kiminsə müraciətinə görə informasiya portalları bağlana bilməz: "Bu qeyri-ciddi bir addım olar. Ola bilər ki, kiminsə şərəf və ləyaqətini alçaldan portallar ola bilər. Bu da qanunvericiliklə tənzimlənir. İnternet açıq şəbəkədir. Burada hansısa xətaların olması mümkündür. Ötən ilin mart ayında informasiya haqqında qanuna dəyişikliklər oldu. Portların bağlanması ilə bütün hüquqi prosseslər orada öz əksini tapıb. Hətta elə internet portalları var ki, bağlanıb. Ümumiyyətlə internet portalların bağlanması ən son addım olar. Kiminsə sözü ilə ilə internet portlallarının və sosial şəbəkələrin bağlanması demokratiq hüquqa ziddir. Bu məsələnin bu cür adiləşdirilməsi düzgün deyil. Sosial şəbəkələrin bağlanması ilə bağlı bir müddət əvvəl dövlət məmuru da fikir söyləmişdi. Buna dövlət səviyyəsində cavab verildi ki, bele bir addım gözlənilmir. Bu Azərbaycanın bugünki inkişafına da uyğun addım olmazdı. Azərbaycanda bu gün sosial şəbəkələrdə təkcə informasiya münasibətləri qurulmayıb. Bir anda belə bir qərar vermək olmaz. Düzdü sosial mediada biz xoşa gəlməz halların şahidi oluruq. Amma bu da qanunvericiliklə nizamlanır".

İctimai Televiziya və Radio Yayımları Şirkəti Yayım Şurasının üzvü, Azərbaycan Mətbuat Şurası İdarə Heyətinin üzvü, Əməkdar jurnalist Azər Həsrət bildirib ki, kiminsə müraciətinə görə Azərbaycanda internet porlalları bağlalanan deyil: "Çünki Azərbaycan belə məsələlərə görə internetin imkanlarını məhdudlaşdıracaq ölkə deyil".

Aysel Yusifqızı

Sosial   Baxılıb: 1741   Tarix: 14 aprel 2018  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR