Moskvadan Ankaranı pərt edəcək AÇIQLAMA: "S-400 kompleksləri..."

Rusiya S-400 zenit-raket komplekslərini Türkiyəyə 2019-cu ilin sonuna doğru göndərəcək.

Sonxeber.az publika.az-a istinadən xəbər verir ki, bu haqda Rusiya prezidentinin hərbi-texniki əməkdaşlıq üzrə köməkçisi Vladimir Kojin bildirib.

O, bununla da S-400-lərin Türkiyəyə çatdırılacağı tarixlə bağlı Ankaranın bəyanatını təsdiq etməyib. Türkiyə müdafiə sənayesi müstəşarı İsmail Dəmir zenit-raket sistemlərinin Türkiyəyə 2019-cu ilin iyul ayına kimi çatdırılacağını bildirmişdi.

Xatırladaq ki, Rusiya və Türkiyə prezidentiləri – Vladimir Putin və Rəcəb Tayyib Ərdoğan aprelin 3-də Ankarada keçirilən Türkiyə-Rusiya Yüksək Səviyyəli Əməkdaşlıq Şurasının toplantısında S-400-lərin Türkiyəyə daha tez çatdırılması mövzusunda razılığa gəliblər. Ümumi dəyəri 2,5 milyard avro olan 4 diviziya "S-400" kompleksinin 2020-ci ilin martında təhvil verilməsi planlaşdırılırdı.

ABŞ-da isə hesab edirlər ki, Türkiyənin Rusiyadan S-400 kompleksləri almasını "Amerikanın düşmənlərinə sanksiyalar vasitəsilə müqavimət haqqında" (CAATSA) qanununun pozuntudur. Vaşinqton bu qanun çərçivəsində Türkiyəyə qarşı sanksiyaların tətbiqini istisna etmirlər.

Telegramda izləyin

instagramda izləyin