Politoloq: "Azərbaycanda baş nazirliyin statusu dəyişir"

Prezident İlham Əliyev Novruz Məmmədovu baş nazir təyin etməklə göstərdi ki, baş nazirliyin statusu dəyişir.

Bunu Sonxeber.az-a açıqlamasında Novruz Məmmədovun yeni baş nazir təyin olunmasına münasibət bildirən politoloq Mübariz Əhmədoğlu bildirib. Onun sözlərinə görə, baş nazir indiyənə kimi ancaq iqtisadi məsələlərlə məşğul idisə bundan sonra onun üçün tək bu sahə prioritet olmayacaq: "İndi ki, baş nazir Novruz müəllim həm də xarici siyasətlə məşğul olacaq. Yəni Novruz müəllimin bundan sonra Azərbaycan dünya miqyasında daha da yaxşı təmsil edəcək. Çünki Novruz müəllimin dünya miqyasında kifayət qədər böyük siyasi tərübəsi var. Bu təyinat tez bir zamanda Azərbaycanın xarici siyasətində müsbət mənada hiss olunacaq dəyişikliyi artıracaq".

Qeyd edək ki, bu gün baş nazir Artur Rəsizadəni prezidentinin xarici siyasət məsələləri üzrə köməkçisi-şöbə müdiri Novruz Məmmədov əvəz edib. Milli Məclisdə bununla bağlı səsvermə keçirilib və yekdilliklə Azərbaycanın yeni baş naziri olub.

E. Murad

Telegramda izləyin

instagramda izləyin