Bakı məktəbində 1-ci sinif şagirdi zorlandı - Nazirlik işə qarışdı

Bakı məktəbində 1-ci sinif şagirdi zorlandı - Nazirlik işə qarışdıDaxili İşlər Nazirliyi Bakıda məktəblinin zorakılığa məruz qalması barədə yayılan məlumatlara münasibət bildirib.

Sonxeber.az xəbər verir ki, nazirliyin mətbuat xidmətinin rəis müavini Orxan Mansurzadə APA-nın sorğusuna cavabında qeydə edib ki, bəzi KİV-də paytaxtın Xətai rayonundakı məktəblərdən birində bir şagirdin digər iki məktəbli tərəfindən guya zorakılığa məruz qalması və döyülməsi barədə yayılan məlumatlar həqiqətə uyğun deyil: "Məsələ ilə bağlı polis tərəfindən araşdırma aparılıb, deyilənlər təsdiqini tapmayıb. Bu məlumatlar əslində hansısa maraqlı şəxslər tərəfindən məqsədli şəkil yayılan dezinformasiyadır".

Qeyd edək ki, mətbuatda Xətai rayonunda yerləşən orta məktəbin 1-ci sinif şagirdinin 10-cu sinif şagirdləri tərəfindən zorlanması barədə məlumatlar yayılıb.

***
Xətai rayonunda yerləşən 263 nömrəli orta məktəbdə 1-ci sinif şagirdinin 10-cu sinif şagirdlərinin cinsi təcavüzünə məruz qalması ilə bağlı məlumat yayılıb. Məlumatda bildirilir ki, bu barədə övladları həmin məktəbdə təhsil alan valideynlər müraciət edib. Valideynlərin məktəb qarşısında aksiya keçirdiyi, direktorun onları qəbul etmədiyi qeyd edilir.

Bakı Şəhəri üzrə Təhsil İdarəsindən Sonxeber.az-ın sorğusuna verilən cavabda bildirilib ki, yayılan məlumat əsassızdır:

"263 nömrəli tam orta məktəbin direktoru Nurqələm Bayramovanın verdiyi məlumatda qeyd olunur ki, yayılan məlumat tamamilə yanlışdır. Uşağını məktəbə gətirən və ya məktəbdən uşaq götürən valideynlər bu yanlış məlumatı eşidib maraqlanıblar. Məktəb rəhbərliyi də onlara məlumatın doğru olmadığını bildirib. Məktəb qarşısında heç bir aksiya keçirilməyib".

Hadisə   Baxılıb: 7105   Tarix: 25 aprel 2018  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR