Türkiyəli iqtisadiyyatçı Ermənistana kömək edə biləcəkmi? - Millət vəkili açıqladı
Nə Daron Acemoğlu, nə da başqası Ermənistan iqtisadiyyatına kömək edə bilməyəcək.
Bunu Sonxeber.az-a Milli Məclisin deputatı Rüfət Quliyev Ermənistanın Baş naziri Nikol Paşinyanın erməni əsilli türkiyəli itqisadiyyatçı Daron Acemoğluna Ermənistan iqtisadiyyatını dirçəltmək təklif etməsinə münasibət bildirərkən deyib.
Erməni diasporaları Ermənistana pul göndərməkdən beziblər
Onun sözlərinə görə, Ermənistan iqtisadiyyatını dirçəltmək üçün birinci növbədə xüsusi plan hazırlanmalıdır: "İkincisi isə bu planı həyata keçirmək üçün böyük həcmdə vəsait və invetisiyalar tələb olunur. Hazırda Ermənistanda bunun heç biri yoxdur. Xaricdəki erməni diasporaları Ermənistana pul göndərməkdən beziblər. Şarl Aznavurdan tutmuş digər varlı ermənilərədək hamısı 20 ildən artıqdır Ermənistana maddi kömək edirlər. Məgər bunun bir köməkliyi olubmu?".
Paşinyan dövlət çevrilişi edib
Millət vəkili hesab edir ki Ermənistanın yeni Baş naziri N. Paşinyan başını itirib: "Onun son təyinatları da bunu göstərir. Əslində o, qanunu pozub. Belə ki, Paşinyan Baş nazir vəzifəsinə gəlmək üçün növbədənkənar parlament seçkiləri keçiriməliydi. Paşinyan fürstdən istifadə edərək camaatı ayağa qaldırmaqla bu dalğanın üstündə hakimiyyətə gəlib. Bu, dövlət çevrilişidir".
Ermənistana Nobel mükafatçısı da kömək edə bilməz
Bu baxımdan R. Quliyevin fikrincə, nə D. Acemoğlu, nə da başqası Ermənistan iqtisadiyyatına kömək edə bilməyəcək: "Ermənistan iqtisadiyyatını inkişaf etdirmək üçün milyardlarla pul lazımdır. Erməni diasporası artıq inamını itirib, daha Ermənistana ianə verəsi deyillər. Ola bilsin 3-4 nəfər versin. 20 ildir pul ayırarlar, amma Ermənistan iqtisadiyyatı günü gündən çökür. Ermənistanda iqtisadiyyat qalıb ki? Ölkə infrastrukturu Rusiya daxil olmaqla digər ölkələrin əlinə keçib. Bu baxımdan Paşinyanın kimə müraciət etməsinin önəmi yoxdur. Heç Nobel mükafatına layiq görülmüş iqtisadçı da bunu bacarmayacaq. Bu ölkə iqtisadiyatını inkişaf etdimək üçün illərlə islahatlar aparmaq lazımdır".
Xatırladaq ki, N. Paşinyan mayın 13-də D. Acemoğlu ilə telefon əlaqəsi saxlayaraq onu Ermənistan iqtisadiyyatının bərpa edilməsi və inkişafı məsələsində kömək etməyə çağırıb və müsbət cavab alıb. Qeyd edək ki, D. Acemoğlu 1967-ci ildə İstanbulda anadan olub. O, erməni əsilli türkiyəli iqtisadiyyatçıdır. O, Massaçusets Texnoloji Univesitetində tətbiqi iqtisadiyyat fakültəsində dərs deyir
İDEAS/RePec beynəlxalq iqtisadi araşdırma qurumunun məlumatına görə, D. Acemoğlu dünyada istinad edilən ilk 20 iqtisadçıdan biridir. D. Acemoğlunun iki kitabı elm dünyasında rezonans doğurub – "Modern iqtisadi böyüməyə giriş" (2009) və "Diktatorluq və demokratiyanın iqtisadi kökləri" (2005). 2010-cu ilin 100 qlobal fikir adamı arasına girməyi bacaran D. Acemoğlu Nobel mükafatına namizədlər sırasında da yer alıb.
Məftun Salmanov
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş