Politoloq: Yaxın Şərqdə vəziyyət daha da gərginləşəcək, Trampa ikrah hissi artacaq
Gələcəkdə Yaxın Şərq bölgəsində ölkələr arasında münasibətlər xeyli gərginləşəcək.
Bunu Sonxeber.az-a politoloq Qabil Hüseynli ABŞ-ın Qüdsdə səfirlik açması fonunda Qəzza zolağında İsrail hərbçilərinin 50-də çox fələstinli ölürməsi ətrafında baş verən hadisələri şərh edərkən deyib.
Onun sözlərinə görə, İslam dünyası ümumilikdə ABŞ və İsrailə qarşı hımrəyk mövqe nümayiş etdirsə də, Səudiyyə Ərəbistanı bu istiqamətdə bir az işi ləngidir: "Türkiyə ABŞ və İsraildəki səfirlərini məsləhətləşmələr üçün geri çağırıb. Ərəb Ölkələri Liqası toplanacaq. Bu istiqamətdə Səudiyyə Ərəbistanı bir qədər işi ləngidir. Hazırda İslam Əməkdaşlıq Təşkilatına başçılıq edən Türkiyə qurumun təcili iclasını çağırıb".
Politoloq qeyd edib ki, ABŞ-ın Qüdsdə səfirlik açması və bunun fonunda ötən gün Qəzza zolağında İsrail hərbçilərinin xeyli sayda fələstinli öldürməsi Amerika Prezidenti Donald Tramp və Vaşinqton üçün, eləcə də İsrail və bu ölkənin Baş naziri Binyamin Netanyahu üçün çox böyük problemlər yaradacaq: "İndiki gərginliyin töhməti isə çox ağırdır və bunun altından çıxmaq çox çətin olacaq".
Hadisələrin bu cür gedişatının Türkiyə-İsrail münasibətlərinin perspektivinə təsiretmə ehtimalına toxunan Q. Hüseynli diqqətə çatdırıb ki, indiki dövrdə Türkiyə ilə İsrail arasında münasibətlər yox dərəcəsindədir: "Türkiyənin İsraildə səfirliyi qalır. Lakin Prezident Rəcəb Tayyib Ərdoğanın İsraili terrorçu dövlət adlandırması o anlama gəlir ki, iki ölkə arasında münasibətlər olduqca pis vəziyyətdədir".
Həmsöhbətim sonda əlavə edib ki, ABŞ-ın Qüdsdə səfirlik açması çox böyük ziddiyətlərin əsasını qoydu: "Bu, Amerikanın özündə də Trampa qarşı ikrah hissini artıracaq".
Məftun Salmanov
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş