Bağçada döyülən uşağın anası haqda ŞOK FAKTLAR - bağça müdiri danışdı

Bağçada döyülən uşağın anası haqda ŞOK FAKTLAR - bağça müdiri danışdıXəzər rayonu, Binə qəsəbəsində yerləşən 285 saylı uşaq bağçasında tərbiyəçinin uşağı döyməsi barədə valideyn Leyla Əlizadə video yayıb. Valideyn bağçada aylıq adı ilə yığılan rüşvətə etiraz etdiyi üçün övladının döyüldüyünü iddia edib.

Bununla bağlı big.az-a açıqlama verən bağça direktoru Səidə Xuduyeva bildirib ki, valideynin dedikləri şər-böhtandan başqa bir şey deyil:

"Bağçanın əvvəlki direktorları ilə də münaqişəsi olub. Qadının psixoloji problemləri var. O kənddə çox adamı şantaj edib hər ay pul alır. Onun uşağı döyülməyib. Heç ekspertizanın da nəticəsi yoxdur. Müəllimləri dəfələrlə təhqir etdiyinə görə onu Xəzər Rayon Polis Bölməsinə şikayət etmişik. Kəndin içərisində təndirdə işləyən kasıb qadını şantaj edərək aylıq pul alır. Ondan bir qəpik pul alan olmayıb. Hər şey nəzarət altındadır. Kameralarımız var. Görüntülərlə qadının dələduz olduğunu sübut edəcəyik. Burdakı uşaqların valideynləri də təsdiq edər ki, o, dəfələrlə bağçanın darvazasını qırıb. Uşaqların otağına, qapıya dəmir salıb qapının qıfılını və yelləncəkləri qırır. Darvazanın ağzını bağlayır ki, müəllimlər həyətdən çölə çıxmasın. Hətta bir dəfə biz 1 saat bağlı qalmışıq. Dövlətin malına zərər yetirib. Əvvəlki direktorlar da o qadının əlindən işləyə bilməyiblər. Uşaqların narahatçılığına səbəb olurlar. Biz bütün görüntülərlə sübut edəcəyik ki, onun uşağı döyülməyib. Dediklərinin hər biri əsassızdır".

Qeyd edək ki, xəbəri ilk dəfə open.az saytı yayıb.

Hadisə   Baxılıb: 2420   Tarix: 17 may 2018  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR