Kosmetoloq Elnarəni İFŞA ETDİLƏR: Xanımları aldadıb, pulunu soyan... - FOTOFAKT

Xəbər verdiyimiz kimi kosmetoloq Elnarə Rzayevanın prosedurları nəticəsində sağlamlığına ciddi ziyan dəydiyini iddia edən daha bir xanım dəhşətli faktlar açıqlayıb. Belə ki, G.O-va iddia edib ki, E.Rzayeva onun pulunu alıb, qızıl boyunbağısını girov götürərək dodaqlarını bərbad hala salıb.

Sözügedən məsələ sosial şəbəkələrdə də ciddi müzakirələrə səbəb olub. Tanınmış jurnalist Ülviyyə Alovlu da öz fikrini bildirib və bəzi gizlinlərin üstünü açıb:

"Dodağı süni gellə doldurulmuş xanımları "bir iynə ilə" aldadaraq pullarını soyan,
əvəzində isə Səhiyyə Nazirliyindən icazə sertifikatı belə almamış infeksiya ilə dodaqları çürüdən "doktor" Elnarə Rzayeva haqda mətbuat olaraq çox yazdıq, çox ifşa etdik.

Hazırda ölkədə yüzlərlə zərərçəkmiş pasiyenti olsa da, bu dələduz qadın biri 400 manatdan olmaqla iynə vurmaqda, xanımları şikəst eləməkdə davam edir.

Haqqında hüquq mühafizə orqanlarına yüzlərlə ərizələr, mediada məqalələr yazılsa da, bu qadın pul hesabına bu problemləri həll edə bilir.

Onun haqda şikayət edənləri isə, əyri yolun yolçusu, şərçi, şantajist və s. adlandırır.
Ən qəribəsi də odur ki, bu qədər söz-söhbətin qabağında hələ də bu dələduzun reklamlarına inanıb onun yanına gedənlər var.

Əvvəllər bir iynə ilə dodaq kiçiltməyi vəd edirdisə, kişinin qızı indi də guya burun kiçildir.
Ay xanımlar, dünyada heç bir sehirli iynə - cərrahi müdaxilə olmadan sizin nə süni gel dolu dodağınızı, nə də Allah verən təbii burnunuzu kiçildə bilməz!!!

Əgər əməliyyatdan qorxduğunuz üçün Elnarənin yanına gedirsinizsə, bilin ki, onun yanına gedən tanıdığım və tanımadığım bütün pasiyentlər Elnarədən sonra onsuz da cərraha müraciət etməli olurlar!

Amma bu dəfə fəsadlarla, çürümüş və iltihablı dodaqlarla...

Özünüzə yazığınız gəlsin, Elnarənin 3 prosedura aldığı 1200 manata ölkənin ən yaxşı plastik cərrahlarında dodaq və ya burun estetikasına sahib ola bilərsiniz.
Bu qədər cahil olmayın!".

mənbə: BiG.AZ

Telegramda izləyin

instagramda izləyin