Dövlət sirri neçə il qorunacaq? — Ziyafət Əsgərovdan açıqlama

"Dövlət sirri haqqında" qanun layihəsinə dəyişiklik edilib.Məsələ Milli Məclisin bugünkü növbədənkənar iclasında müzakirə edilib.

Sonxeber.az "Ölkə.Az"-a istinadən xəbər verir ki, qanun layihəsinə edilən dəyişikliklər barədə birinci vitse-spiker Ziyafət Əsgərov məlumat verib.

Onun sözlərinə görə, qanun layihəsinə həm mahiyyətinə uyğun, həm də texniki dəyişikliklər edilir.

"Qanunun 13.3 maddəsinə edilən dəyişikliyə əsasən, dövlət sirrinin qorunması müddəti məxfi məlumatlar üçün 10 ildən, tam məxfi məlumatlar üçün 20 ildən, xüsusi əhəmiyyətli məlumatlar üçün 30 ildən, məxfilik dərəcəsindən asılı olmayaraq şəxsin kəşfiyyat, əks-kəşfiyyat, əməliyyat-axtarış fəaliyyətini həyata keçirən orqanların əməkdaşı olmasını və ya bu orqanlarla konfidensial əsaslarla əməkdaşlıq edən, yaxud əməkdaşlıq etmiş şəxslərin şəxsiyyətini müəyyən etməyə imkan verən məlumatlar üçün 75 ildən çox olmamalıdır".

Telegramda izləyin

instagramda izləyin