Azərbaycanda 6 minə yaxın müəllim buna görə Nazirliyə müraciət edib - VİDEO

6 minə yaxın müəllim iş yerinin dəyişdirilməsini istəyir. Lakin müraciət edənlərin hamısının iş yerini dəyişmək mümkün olmayacaq. Təhsil Nazirliyindəbu gündən etibarən müraciətlərin baxılmasına başlayıb. Nəticələr isə yaxın günlərdə açıqlanacaq.

Sonxeber.az xezerxeber.az-a istinadən bildirir ki, müəllimlərin yerdəyişməsi ilə bağlı sənəd qəbulu artıq başa çatıb. Müraciətlər zamanı 5857 nəfər iş yerinin dəyişdirilməsi üçün elektron ərizələrini təsdiq edib.

Müraciət edənlər arasında respublikanın bütün rayon və şəhərlərin məktəblərində çalışan müəllimlər var.Müəllimlərin yerdəyişməsinin səbəbləri də müxtəlifdir.

Təhsil İşçilərinin Peşə İnkişafı İnstitutu nəzdində İnsan Resursları Mərkəzinin müdiri Murad Camalzadənin sözlərinə görə , müraciət edən müəllimlərin hamısının iş yerini dəyişmək mümkün olmayacaq.Çünki əksər hallarda bəzən eyni yeri daha çox insan seçir.Bir yerə isə yalnız bir namizəd seçiləcək.Müraciətlər arasında daha çox ibtidai sinif, fiziki tərbiyə, ingilis dili, riyaziyyat müəllimləri yer alıb.Yerdəyişmə ilə bağlı nəticələr isə yaxın günlərdə açıqlanacaq.

Yerdəyişmə zamanı həm rayon daxili, həmdər rayonlar arası yerdəyişmə həyata keçiriləcək.

Telegramda izləyin

instagramda izləyin