Bəstəkar canlı efirdə Zeynəb Xanlarovanın SİRRİNİ AÇDI

"Dövlət konsertlərini bağlamaq ənənəsi Zeynəb Xanlarovadan qalıb. Amma Zeynəb xanım heç vaxt konsertləri bağlamaq təklifiylə çıxış etməyib".

Bu fikirləri "Space" telekanalında Kamran Həsənlinin aparıcılığıyla yayımlanan "Onda başladıq" verilişində bəstəkar Rauf Məmmədov səsləndirib. Uzun illərdir əfsanəvi sənətkarla dostluq edən bəstəkar sözügedən məsələnin tarixçisini açıqlayıb:

"Konserti bağlamağa görə kimlərsə bir-biriylə mübahisə edirdi. Zeynəb xanım dedi ki, bunlar niyə dalaşırlar? Bildirdi ki, bir dəfə konsertə gəldim, təxminən bir-iki saat gözlədim, amma mənə çıxış üçün söz verilmədi. Halbuki on beş dəqiqə sonra səhnəyə çıxmalıydım. Axırda təşkilatçı gəlib dedi ki, siz axırda oxuyacaqsınız. Səbəbini soruşdum. Bildirdi ki, Zeynəb xanım, siz oxuyandan sonra camaat dağılışır. Ona görə axıra saxlamışıq ki, konsert pozulmasın. Zeynəb xanımın konsertləri bağlaması ənənəsi məhz belə yaranıb. Hətta o vaxt buna qısqanclıqla yanaşanlar var idi".

ölkə.az

Telegramda izləyin

instagramda izləyin