Azərbaycanda müəllim yanına getmək adıyla evdən qaçan Ülviyyə görün haradan tapıldı - FOTO

Xəbər verdiyimiz kimi, 16 yaşlı qız müəllim yanına getmək adı ilə evdən çıxıb və bir daha geri qayıtmayıb.
Bu barədə Xəzər televiziyasında Xoşqədəm Hidayətqızının "Səni Axtarıram" verilişinə çıxan ana bildirib. Onun sözlərinə görə, qızı Ülviyyə Reyhun qızı Məmmədova evdən qaçıb:

"O, heç vaxt belə etməmişdi. Qızım 9-cu sinifdən məktəbdən çıxıb. Əzim Əzimzadə adına Bakı Rəssamlıq Məktəbinə hazırlaşırdı. Müəllim yanına getmək adı ilə evdən çıxıb geri qayıtmayıb. Sevgilisi, danışdığı da yox idi. Onun hətta telefonu belə yoxdur".

Bundan əlavə ana bildirib ki, o işdə olanda nömrəsinə SMS gəlib: "Pis sözlər yazılmışdı. Əsəbləşib qızıma zəng elədim ki, bu nə mesajlardır. Ondan sonra o, evdən qaçdı. Bütün hər şeyi polisə təqdim etmişəm. Nə olursa olsun mən qızımı qəbul edirəm".

Sonxeber.az BiG.AZ-a istinadən xəbər verir ki, Ülviyyə tapılıb. Bu barədə "Səni Axtarıram" verilişinin bugünki buraxılışında məlumat verilib.

Aparıcı bildirib ki, onu bir ailə tapıb evinə aparıb.

Qızını görən ana efirdən qaçıb. Ananın qaçmasının səbəbi Ülviyyənin görünüşü olub.

Onu tapan ailə efirdə bildirib ki, oğulları Ülviyyəni gecə yarısı parkda tapıb:

"Qız deyib ki, evim yanıb, ata-anam isə rəhmətə gedib. Oğlumun ona yazığı gəlib evə gətirdi. Kimsəsiz olduğuna görə halına üzüldük. Ülviyyə bizə 18 yaşının olduğunu deyib. Bir oğlan da ona söz atıb. Qıza ziyan gəlməsin deyə oğlum onu evə gətirib".

Aparıcının "Anan sənə neyləyirdi ki, evdən qaçdın?" sualına Ülviyyə heç bir cavab verə bilməyib.

Telegramda izləyin

instagramda izləyin