Neft böhranı 1 milyard dollar ziyanla nəticələnib

Neft böhranı 1 milyard dollar ziyanla nəticələnibHariga və Neft Hilalı bölgələrindəki limanların neft ixracını dayandırması nəticəsində yaranmış ziyan bu vaxtadək 920 milyon dollar olub.

Sonxeber.az "Azərtac"a istinadla xəbər verir ki, bu barədə Liviyanın Milli Neft Korporasiyası məlumat yayıb.

Bildirilir ki, limanlardan ixracın dayanması ilə əlaqədar bu bölgələrdə hasil edilə bilməyən neftin həcmi 12,5 milyon barrelə çatıb. İxracın dayanması nəticəsində yaranmış ziyan indiyə qədər 920 milyon dollar, gündəlik isə 67 milyon dollara yaxın olub. Böhrandan əvvəl gündəlik 1 milyon barrel olan neft istehsalı hazırda 527 min barrelə düşüb.

Qeyd edək ki, ötən günlərdə ölkənin şərqindəki Ez-Zuveytine və El-Harika limanlarından da neft ixracı dayandırılıb. Daha əvvəl strateji əhəmiyyətə malik Sidra ve Ra's Lanuf limanlarından neft ixracı dayandırılmışdı. Sidra, Ra's Lanuf və Brega neft limanlarının yerləşdiyi bölgədə zəngin neft ehtiyatları var. Bu bölgədə ölkənin ümumi neft ehtiyatlarının 60 faizdən çoxu yerləşir.

İqtisadiyyat   Baxılıb: 705   Tarix: 07 iyul 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR