Canlı yayımda damarlarını doğrayaraq intihara cəhd edən məşhur ictimaiyyətə səsləndi

Canlı yayımda damarlarını doğrayaraq intihara cəhd edən məşhur ictimaiyyətə səsləndiŞənbə günü "Facebook" sosial şəbəkəsindəki canlı yayımda intihara cəhd edən, lakin yaxınları tərəfindən xilas olunan yazar Cəlil Cavanşır ictimaiyyətə müraciət edib.

SONXEBER.AZ həmin açıqlamanı təqdim edir:

"Salam əziz dostlar!

Bəzilərinizin narahat olduğunu nəzərə alıb, hamıya ümumi bir müsaj yazmağın yerində olacağını düşündüm.

Sizləri narahat etdiyim üçün hamınızdan üzr istəyirəm!

Bütün baş verənlərə cavab vermək məsuliyyətini hiss etdiyim üçün, bu halımda belə cavab verməyi özümə borc bilirəm.

İnsanların narahat olduğunu anlayıram və xəbərsiz yoxa çıxmağı yanlış hesab edirəm. Amma nəzərə alın ki, toparlanmaq üçün təkliyə və təbiətə ehtiyacım var. Dünən hiss etdim ki, hər şey daha da pisə doğru gedir.

Yüzlərlə təsəlli verən, yaşadığıma sevinən, qayğıma qalan və yol göstərənlərlə yanaşı məni yenidən təhrik edənlər vardı. Bunu hələ də anlamıram, mənim etirazım sizi niyə qıcıqlandırır?

Mən düşdüyüm vəziyyətdən, qapıldığım qaranlıqdan çıxacağam, bəs siz? Siz bu kinlə, nifrətlə, qəzəblə hara gedəcəksiniz?

Hazırda fiziki və mənəvi ağrılarla mübarizə aparıram. Tezliklə toparlanacığama, yaralarımın sağalacağına inanıram və heç bir həkim müdaxiləsinə, prsixoloqa, psixatra ehtiyac görmürəm. Bunları vaxtında etməli idim. İndi isə ailəmin yanında olmaq mənim üçün ən böyük stimuldur. Bu halımda belə ailəm məni tək qoymadı. Və çalışın ailənizə, sizi anlayan, sizi başa düşən insanlara belə pisliklər etməyin!

Etdiklərimi yanlış hesab edənlər, bunun şou olduğunu düşünənlər oldu. Hər kəsin qınağını, gileyini qəbul edirəm. Amma bu addımım affekt halında atılan bir addımdır və nə qədər sakitləşsəm də, o gün baş verənlərlə bağlı heç nəyi xatırlaya bilmirəm. Mənim bu şəkildə məhşur olmağa ehtiyacım olmadığını hər kəs bilir, çünki heç bir zaman məhşur olmaq üçün addım atmamışam. O gün ölsəm nə dəyişəcəkdi? Mahiyyət etibarı ilə bu qəddar, ruhsuz, insafsız adamlar üçün heç nə dəyişməzdi. Amma daha çox üzülənlər, əzab çəkənlər gördüm. Onlar üçün bu axmaqlığı etməməli idim.

Mənim məhşurluğa yox, xoşbəxtliyə ehtiyacım var.

Konkret səbəblərə gəlincə, qısa olaraq izah edim ki, xoşbəxt deyiləm. Uzun müddətdir depresiyadayam. Amma bütün bunları tətikləyən bəzən kiçik səbəblər olur. Bəzən aylarla övladlarımın üzünü görə, onların kiçicik istəklərini yerinə yetirə bilmirəm. Belə məqamda insanın özünə yaxın bildiyi, dəstək gözlədiyi yaxın dostlar, yoldaşlar olur. Həyat şəraitim elədir ki, uzun müddətdir dostlarımla görüşə bilmirdim. Və həyatımda doğma, yaxın, əziz hesab etdiyim adam, ən çətin anımda mənə dəstək olmağı yox, mənim bu addımı atmağımı istədi. Onu da artıq qınamıram. Hər kəs mahiyyətinə görə davranır, haqqı olanı yaşayır. Deyək ki, mənim də yaşadıqlarım mənim haqqımdır.

Bu addımımın arxasında ciddi sosial, iqtisadi və mənəvi səbəblər axtara bilərsiniz. Amma mən işsizlikdən, evsizlikdən şikayətçi deyiləm. Kirayələrdə yaşamaq imkanım olmasa, küçələrdə yaşaya və heç vaxt bundan şikayət edib, heç kəsdən kömək gözləmərəm. Ən sevdiyim övladlarım ac qalsa belə, mən buna görə kiməsə əyilmərəm, əyilməmişəm də.

Heç bir insan qəfildən intihar həddinə çatmır. Mənim kimi həssas bir adamın bu vəziyyətə gəlməsi isə an məsələsidir. Bəli, nə qədər səhv olsasa da mən həssas bir insanam və bu hala düşməyimdə də özüm günahkaram. Müəyyən şeyləri vaxtında ağılla həll etmədiyim üçün, ölümün bir addımlığından döndüm.

Yaşadığım heç nədən utanmıram və heç nəyi unutmuram. Bütün bunlar başıma gəlməli idi və gəldi.

Bir məqama da aydınlıq gətirim. Mən çoxlarının düşündüyü kimi əyyaş həyatı yaşamıram, yaşamamışam. Sadəcə 6 ay ərzində dörd kitab tərcümə etmişəm və onlarla yazı yazmışam. Çox ciddi kitabların redaktəsi ilə məşğul olmaqla yanaşı ciddi bir qurumda illərdi kitab təbliğatı ilə məşğulam.

Bəlkə də fikirlərim rabitəsiz, qarışıq ola bilər. Üzürlü sayın, çünki hələ də durumum sabit deyil. Amma hər şey yaxşı olacaq!

Əziz dostlar, dəyərli insanlar!

Heç kəs bu nümunədən təsirlənməsin. Təbii ki əsəbləri yerində olmayan insanlar üçün çox pis nümunə olduğumun fərqindəyəm. Buna görə üzr istəsəm də, heç nə dəyişmir. Həyatınızda olan hər şeyi səbrlə, sakitliklə, soyuq başla analiz edin. Mən bunu bacarmamışamsa, bu mənim günahımdır. Sizə dəyər verən insanlardan, sizi sevənlərdən qaçmayın. Düşüncələrinizlə, reallıqla beyninizdə qurduğunuz xəyallar üst-üstə düşməyə bilər. Bağışlamağı, geri çəkilməyi, hər şeyə təmkinli yanaşmağı öyrənin.

Bu gün həyatda olmağımdan məmnun olmasam da, mənim həyatda qalmağım üçün hər şeyi edən sevimli, təmiz ürəkli, təmənnasız insanlara minnətdaram. Nə qədər çətin olsa da, tezliklə sizlərin arasına qayıdıb həyatımı qaldığım yerdən davam edəcəm!

Unutmayın, nifrət yox sevgi xilas edir!

Sizləri sevirəm insanlar! Yaxınlarınızdan, doğmalarınızdan muğayat olun! Problemi olanlara həssaslıqla yanaşın! Heç kəsi intihar həddinə çatdırmayın!

Qəlbinizdə sevgini və mərhəməti bəsləyin! Kindən, nifrətdən, biganəlikdən, laqyidlikdən uzaq olun!

Əziz dostlarım, doğmalarım! Sizləri çox sevirəm və sizin üçün yaşamağa davam edirəm!

Sevgilərlə, sizin Cəlil..."..

Xatırladaq ki, iyulun 7-də "Facebook"da canlı yayımda intihara cəhd edən Cəlil Cavanşır sosial şəbəkədəki dostlarına vida nitqi söyləyib. Bundan sonra o, sevgi, həyat, ölkə barədə müxtəlif qarışıq fikirlər söyləyərək damarlarını kəsdiyini nümayiş etdirib.

Yazar sosial şəbəkə istifadəçilərinə ünvanını və harada olduğunu bildirməyib. C.Cavanşir çıxışında qeyd edib ki, indiyə qədər 11 dəfə intihara cəhd edib.

Lakin Cəlil Cavanşirin qardaşı yazıçının yaşadığı evə gələrək, onun intihar cəhdinin qarşısını alıb.


Sonxeber.az
Sosial   Baxılıb: 1194   Tarix: 09 iyul 2018  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

İcra başçısı Elmar Vəliyevi güllələyən Yunis haqda ən son və sensasion məlumatlar

Gəncə tətikçisinin papağının mənasından tutmuş, həyat yoluna qədər, heç yerdə getməyən məlumatlar bu yazıda; "Bu, qısasçılıq zəminində baş vermiş sıradan bir cinayət hadisəsi deyil, siyasi motivli terrordur"; "Bunlar Azərbaycan-Rusiya münasibətlərinə kifayət qədər ciddi zərbə vurulmasın

9 iyul 2018

Deputat: Diplomun yoxdursa, sən heç nəsən, cəmiyyətdə sənin hörmətin olmayacaq demək...

Biz hələ də keçmiş stereotiplərdən uzaqlaşmamışıq. Böyük əksəriyyət hələ də belə düşünür və fikirləşir ki, ali təhsilin, diplomun yoxdursa, sən heç nəsən, cəmiyyətdə sənin yerin, hörmətin, nüfuzun olmayacaq. Nə olursa, nə yolla olursa, olsun, mütləq ali təhsil almalısan, diplom qazanmalısan. Bu, ço

9 iyul 2018

Şagirdlərin imtahan nəticələri yaxşılaşıbmı?- RƏSMİ CAVAB

2017-2018-ci tədris ilini bitirən IX sinif şagirdlərinin buraxılış imtahanlarının nəticələri 4,75% yaxşılaşıb.. . Sonxeber.az AzVision.az-a istinadla xəbər verir ki, bunu jurnalistlərə açıqlamasında təhsil nazirinin müavini, Bakı Şəhəri üzrə Təhsil İdarəsinin müdiri vəzifəsini müvəqqəti icra edən Məhəbbə

9 iyul 2018

Bakıda biabırçı mənzərə – dananı yük maşınının arxasına bağlayıb sürdü - VİDEO

Bakıda günün günorta çağı biabırçı hadisə baş verib.. . Hadisə Yasamal rayonu ərazisində qeydə alınıb. Bu barədə "İnstagram" səhifəsində paylaşılıb.. . Videodan da göründüyü kimi 10-LO-913 dövlət nömrə nişanlı yük maşınının arxasına dana bağlanıb. Sürücü sürətlə hərəkət edir. Heyvan isə əziyyətd

9 iyul 2018

Azərbaycanda bu evdə bir dahi dünyaya gəlib, indi özü dünyadan köçmək üzrədir... - FOTO

Azərbaycanın səfalı diyarı olan Xızı təbiəti, füsunkarlığı ilə yanaşı, həm də bir çox dahi şəxsiyyətimizin doğulub boya-başa çatdığı rayonlarımızdandır. Bu torpaqda Mikayıl Müşfiq, Cəfər Cabbarlı kimi dahilər dünyaya göz açıb.. . Bu dəfə qərara gəldik ki, yaşadıqları çox qısa ömürlərində qiymətli yaradıcılığ

9 iyul 2018

İTV efirində inanılmaz şərh - "Altdan yuxarı..."/ VİDEO

Dünya Çempionatının Belçika- Braziliya matçının İTV-dəki canlı yayımı zamanı maraqlı hadisə yaşanıb.. . Metbuat.az xəbər verir, canlı oyunun şərhçisi əvvəlcə hesabda Braziliya 2-0 geri olsa da, hesabı 3-0 kimi təqdim edib.. Daha sonra isə şərhinə belə davam edib: "Braziliya cəbhəsində yanğındır

8 iyul 2018

Azərbaycanlı stilistdən DÜNYAYA SƏS SALACAQ İŞ - Üzü tamamilə yanmış xanımı dəyişdirdi - VİDEO

Şəxsi kosmetika markasını çıxartmağa hazırlaşan azərbaycanlı makiyaj ustası Anar Ağakişiyev növbəti işi ilə dünyaya səs salacaq.. . Stilist üzü tamamilə yanmış daha bir xanımı makiyaj edib. O, Elvira adlı xanımın makiyajdan əvvəlki və sonrakı görüntülərini istaqram hesabında paylaşıb.. . Onun sözlərin

8 iyul 2018

Gömrük Komitəsi bəzi KİV-lərdə yayılan məlumatlara münasibət bildirdi - FOTO

Dövlət Gömrük Komitəsi (DGK) bəzi KİV-lərdə yayılan məlumatlara münasibət bildirib.. . DGK-dan Sonxeber.az verilən məlumata görə, bir sıra kütləvi informasiya vasitələrində və sosial şəbəkələrdə ölkəmizin gömrük orqanları və onun ayrı-ayrı əməkdaşlarına qarşı, onlayn ticarət portalları vasitəsilə xaricdə

8 iyul 2018

Azərbaycanda müəllim yanına getmək adıyla evdən qaçan Ülviyyə görün haradan tapıldı - FOTO

Xəbər verdiyimiz kimi, 16 yaşlı qız müəllim yanına getmək adı ilə evdən çıxıb və bir daha geri qayıtmayıb. . Bu barədə Xəzər televiziyasında Xoşqədəm Hidayətqızının "Səni Axtarıram" verilişinə çıxan ana bildirib. Onun sözlərinə görə, qızı Ülviyyə Reyhun qızı Məmmədova evdən qaçıb:. . "O

8 iyul 2018