Sarkisyanın qardaşı oğlunun həbs olunma anı - VİDEO

Ermənistanın sabiq prezidenti Serj Sarkisyanın qardaşı oğlu Ayk Sarkisyan ölkəni tərk etməyə çalışarkən polis əməkdaşları tərəfindən həbs olunub.

Sonxeber.az "AzVision.az"a istinadla xəbər verir ki, Ermənistan hüquq-mühafizə orqanları cinayətdə təqsirləndirilən Aykın həbsinin görüntülərini yayıb.
Kadrlardan xüsusi təyinatlıların onu avtomobilindən çıxararaq polis məntəqəsinə apardığı görünür.

Qeyd edək ki, Serj Sarkisyanın qardaşı, biznesmen Aleksandrın oğlu Ayk Sarkisyana qarşı məqsədyönlü şəkildə insan həyatına qəsdə cəhd, qanunsuz silah və hərbi sursat əldə edilməsi və saxlanılması maddələri üzrə cinayət işi açılıb. Məhkəmə Ayk Sarkisyan barədə həbs-qətimkan tədbirinin seçilməsinə dair qərar çıxarıb.

Aykın doğma qardaşı Narek Sarkisyan da axtarışa verilib. O, narkotik və silah saxlanılmasında, həmçinin qiymətli incəsənət nümunələrinin oğurlanmasında ittiham edilir.

Telegramda izləyin

instagramda izləyin