Erkən yaşda ərə gedən azərbaycanlı müğənnilər - 5-ci sinifdə...

Bir çox ölkədə olduğu kimi Azərbaycanda da son illərdə tez-tez erkən yaşda qız uşaqlarının ərə getməsi ilə bağlı xəbərlər yayılır.

Sonxeber.az open.az-a istinadən xəbər verir ki, belə hadisələrə yerli şou-biznes nümayəndələri arasında da rast gəlinir. Onlardan bir neçəsi erkən yaşda evləndikdən sonra, uğursuz evlilik yaşadıqlarına görə boşanıb.

Sözügedən şou nümayəndələrini təqdim edirik:

Xalq artisti Aygün Kazımova 18 yaşında evlənib. Lakin evliliyi uğursuz olduğu üçün boşanıb. Onun bu evlililəkdən İlqarə adlı bir qızı var.

Xalq artisti Nazpəri Dostəliyeva 12 yaşından müğənnilik etdiyinə görə ailəsi tərəfindən təzyiqlərə məruz qalıb. Məhz bu səbəbdən atası onu 14 yaşında evləndirib. Bir müddət sonra o, iki uşağının atasından ayrılıb.

Nazpəri kimi onun bacısı müğənni Zeynəb Dostəliyeva da erkən yaşda evləndirilən şəxslərdəndir. Hətta müğənni 5-ci sinifdə ikən əmisioğlu ilə nişanlanıb. Lakin onu sevmədiyi üçün illər sonra ondan ayrılıb.

Hazırda Rusiyada rəsmi nikahda olduğu əri ilə yaşayan müğənni Rəqsanə İsmayılova da ilk dəfə 18 yaşında ailə həyatı qurub.

Meyxanaçı Samirə Yusifqızı isə 17 yaşında evlənib. Samirə həyat yoldaşı tərəfindən tez-tez döyüldüyü üçün boşanıb.

Rəqqasə və müğənni Fatimə Fətəliyeva da tez evlənən məşhurlar sırasındadır. Fətəliyeva 18 yaşında Aydın adlı şəxslə ailə qurub. Onun bu evliliyi uzunömürlü olmayıb.

Telegramda izləyin

instagramda izləyin