Bakıda insanlığa sığmayan hadisə - Dönərə pulu çatmayan 14 yaşlı uşaq döyüldü - YENİLƏNİB

Ötən gün Səbail rayonu, İslam Səfərli küçəsi 3-də yerləşən restoranda 14 yaşlı azyaşlının dönərə görə döyülməsi ilə bağlı məlumat yayılıb.

Sonxeber.az bildirir ki, "qafqazinfo" məsələnin detallarını araşdırıb. Məlum olub ki, hadisə sözügedən ünvanda yerləşən "KFC" restoranında baş verib. Belə ki, azyaşlı restorana daxil olmaq istəyib. Restoran mühafizəçiləri isə uşaq qaraçı olduğuna görə girişinə icazə verməyib. Bu zaman uşağın anası mühafizəçinin üzünə tüpürərək restoran ərazisini tərk edib.

Qeyd edək ki, ölkə.az saytının yaydığı məlumata görə, restoran işçiləri 2004-cü il təvəllüdlü Mirsüleyman Rəhimovu döyüblər. Zərərçəkən uşaq xəstəxanaya çatdırılıb və ona ilkin tibbi yardım göstərilib. Uşağın döyülməsi ilə bağlı xəstəxanadan polisə məlumat verilib. Xəstəxanaya gələn polis əməkdaşları uşağın ilkin izahatını alıblar.

***
Ötən gün Səbail rayonu, İslam Səfərli küçəsi 3-də yerləşən restoranda 14 yaşlı azyaşlı döyülüb.

Sonxeber.az "ölkə.az"a istinadən xəbər verir ki, restoran işçiləri olan 2 nəfər naməlum şəxs 2004-cü il təvəllüdlü Mirsüleyman Rəhimovu döyüblər. Zərərçəkən uşaq xəstəxanaya çatdırılıb və ona ilkin tibbi yardım göstərilib.

Uşağın döyülməsi ilə bağlı xəstəxanadan polisə məlumat verilib. Xəstəxanaya gələn polis əməkdaşları uşağın ilkin izahatını alıblar.

Məlum olub ki, Mirsüleyman Rəhimov dönərin hesabını verməyə pulu çatmadığına görə, əvvəl təhqir olunub sonra döyülüb.

Faktla bağlı Səbail RPİ-nin 9-cu Polis Bölməsində təhqiqat araşdırmalarına başlanılıb. Hazırda 14 yaşlı azyaşlını döyən restoran işçilərinin müəyyənləşdirilməsi istiqamətində əməliyyat tədbirlərinə başlanılıb.

Telegramda izləyin

instagramda izləyin