Bakıda özünü 17-ci mərtəbədən atan qadının kimliyi bilindi: 18 yaşlı... - YENİLƏNİB

Bu gün Bakı şəhərinin Yasamal rayonunda 18 yaşlı qızın özünü 17-ci mərtəbədən ataraq intihar etməsi hadisəsi ilə bağlı bəzi məqamlar dəqiqləşib.

Sonxeber.az Lent.az-a istinadən xəbər verir ki, Yeni Yasamal 2 yaşayış massivində - Əsəd Əhmədov küçəsində "Şərur MTK"ya məxsus kompleksdən özünü ataraq intihar edən 2000-ci il təvəllüdlü Vəliyeva Nərgiz Rövşən qızının hadisə vaxtı aşağı mərtəbədəki kondisionerə çırpıldığı və paltarının oraya ilişməsi səbəbindən alt paltarı ilə yerə çırpıldığı məlum olub. Onun kondisionerin dirəyinə ilişmiş paltarı maddi sübut kimi götürülüb.

Bildirilir ki, N.Vəliyevanın son günlərdə ailədə bəzi problemləri olub və evi tərk edib

Faktla bağlı Yasamal rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb.

***
Bu gün Bakı şəhərinin Yasamal rayonunda özünü 17-ci mərtəbədən ataraq intihar edən qızın şəxsiyyəti müəyyənləşib.

Sonxeber.az lent.az-a istinadən xəbər verir ki, Yeni Yasamal 2 yaşayış massivində, "Şərur MTK"ya məxsus kompleksin 17-ci mərtəbəsindən özünü ataraq intihar edən şəxsin paytaxt sakini, 2000-ci il təvəllüdlü Vəliyeva Nərgiz Rövşən qızı olduğu müəyyən edilib.

Hazırda onun hansı səbəbdən həyatına qəsd etməsi araşdırılır.

Faktla bağlı Yasamal rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb.

Qeyd edək ki, hadisə barədə ilk məlumatı Sputnik yayıb. Bildirilib ki, intihar edən qız alt paltarında olub və həmin binada yaşamırmış.

***
Bakının Yasamal rayonunda dəhşətli intihar hadisəsi baş verib.

Oxu.Az-ın məlumatına görə, bu barədə sosial şəbəkədə məlumat yayılıb.

Hadisə bu gün səhər saatlarında Yeni Yasamal ərazisində, "Şərur" MTK-ya məxsus binada baş verib. Qadın özünü binanın 17-ci mərtəbəsindən atıb.

Bina sakinlərinin sözlərinə görə, dünən gecədən binadakı mənzillərdən birində qadın ağlaması eşidilirmiş:

"Dava-dalaş səsi gəlirdi. Sonra bir anda dəhşətli səs gəldi. Və bir nəfər özünü mənzildən yerə atdı. Özünü atan qadın alt geyimində idi. Qonşular üstünə adyal örtdülər" .

Telegramda izləyin

instagramda izləyin