Konqressmenlərdən Trampa təklif – Türkiyəni Ermənistanla əvəzləyək

Konqressmenlərdən Trampa təklif – Türkiyəni Ermənistanla əvəzləyəkABŞ Konqressinin 50-yə yaxın üzvü Trampa məktub yazaraq, onu Ermənistanın yeni baş naziri Nikol Paşinyanla təcili görüşməyə çağırıblar. Məktub, ABŞ Konqressinin erməni məsələləri üzrə komitəsinin təşəbbüsü ilə tərtib olunub. AzVision.az bildirir ki, bu barədə "The Washington Free Beacon"da yazılan məqalədə məlumat verilib.
Məktubda qeyd olunur ki, hazırda ABŞ-la Türkiyə arasındakı münasibətlər olduqca gərgindir və bu gərginlik getdikcə daha da artır. Bu mənada, Vaşinqtonun İrəvanla əlaqələrini daha da gücləndirməsi üçün münbit şans yaranıb və bundan istifadə edərək Tramp tez bir zamanda Paşinyanla görüş keçirməlidir.

Lakin ABŞ prezidentinin administrasiyası "The Washington Free Beacon"un konqressmenlərin məktubu və Trampla Paşinyanın mümkün görüşü ilə bağlı sorğusuna şərh verməkdən imtina edib. Eləcə də Ağ Evin milli təhlükəsizlik şurası da məsələ ilə bağlı sualı cavablandırmaq istəməyib. Lakin Tramp administrasiyasının keçmiş üzvlərindən biri anonim şəkildə "The Washington Free Beacon"a bildirib ki, konqressmenlərin ünvanladığı məktubun mətni ilə tanışdır və bu müraciət Ermənistanla yeni əlaqələrin qurulması üçün fürsət yaradır.

"Ağ Ev mövcud vəziyyətdən istifadə etməlidir. İndiki vaxtda Türkiyə ABŞ-dan və bizim milli maraqlarımızdan üz döndərir. İrəvan isə bununla bağlı bizə çox şey təklif edə bilər. Ermənistan bizimlə yeni əlaqələrin qurulmasına can atır və ikitərəfli əməkdaşlığın genişləndirilməsi üçün əlindən gələn hər şeyi edir. Tramp bunu nəzərə almalı və Ərdoğan qarşısında geri çəkilməməlidir." – deyə o bildirib.

Maraqlısı odur ki, "The Washington Free Beacon"dakı məqalədə Trampa göndərilən məktuba imza atan konqressmenlərin kimliyinə də xüsusi diqqət çəkilir. Onların sırasında Konqressin Nümayəndələr Paltasının xarici əlaqələr komitəsinin sədri Ed Roys, həmçinin, Trampın impiçment olunmasını istəyən demokrat konqressmen Adam Şiff də var.

Siyasət   Baxılıb: 2973   Tarix: 08 avqust 2018  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR