Sarkisyan hansı yolu seçəcək?

Sarkisyan hansı yolu seçəcək?"Ermənistanın eks-prezidenti Serj Sarkisyan İtaliyada 10 gün dincəldikdən sonra anasına baş çəkmək bəhanəsi ilə Dağlıq Qarabağa gəlib. Sarkisyanın iki variantı var. O ya həbs təhlükəsi qarşısında uzun müddət Ermənistana qayıtmayaraq Dağlıq Qarabağda qalacaq, ya da Ermənistanın baş prokurorunun tələbi ilə Robert Koçaryan kimi İrəvana qayıdıb sorğu-sual edildikdən sonra həbsxanaya yollanacaq".

Sonxeber.az-ın məlumatına görə, bunu "Atlas" araşdırmalar mərkəzinin rəhbəri, politoloq Elxan Şahinoğlu özünün "Facebook" səhifəsində yazıb.

Onun sözərinə görə, Serj Sarkisyan birinci varianta üstünlük verərsə onda baş nazir Nikol Paşinyana qarşı açıq savaşa başlamalı olacaq: "Ancaq bu varianta Qarabağdakı separatçıların hazırki idarəediciləri razılaşmayacaqlar. Çünki Qarabağ separatçıları Sarkisyanı qorusalar və İrəvana təhvil verməsələr, Paşinyan da Qarabağ separatçılarını qorumayacağı ilə onları hədələyə bilər. Ona görə də Qarabağ separatçıları üçün müsbət qərar o olar ki, Serj Sarkisyan anasının yanında çox qalmayaraq İrəvana yollansın".

Ekspert Ermənistanın baş naziri Nikol Paşinyanın avqustun 17-də İrəvanda keçirəcəyi mitinqə Qarabağda gənc tərəfdarlarını da dəvət etdiyini qeyd edib: "Bu Paşinyana ona görə lazımdır ki, onun Robert Koçəryana və Serj Sarkisyana qarşı mübarizəsi Qarabağ ermənilərinə qarşı mübarizəsi kimi dəyərləndirilməsin".

Siyasət   Baxılıb: 1985   Tarix: 10 avqust 2018  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR