Bakı Şəhər İcra Hakimiyyəti ləğv edilib, yeni qurum yaradılır? - AÇIQLAMA

Fazil Mustafa: "Bakı Böyük Şəhər Bələdiyyəsinin yaradılması ilə bağlı fikirlər səsləndirilirdi"
Prezident İlham Əliyevin aprelin 21-də imzaladığı sərəncama əsasən, Bakı Şəhər İcra Hakimiyyətinin başçısı vəzifəsindən azad edilən Hacıbala Abutalıbov Baş nazirin müavini vəzifəsinə təyin olunub. Uzun müddətdir ki, mer postunun boş qalması sosial şəbəkələrdə müzakirə olunmaqdadır. Hətta bəziləri Bakı Şəhər İcra Hakimiyyətinin ləğv ediləcəyi ilə bağlı fikirlər səsləndirməkdədir.

Bununla bağlı BiG.AZ-a açıqlama verən deputat Fazil Mustafa bildirib ki, bir ara Bakı Böyük Şəhər Bələdiyyəsinin yaradılması ilə bağlı fikirlər səsləndirilirdi: "Amma bu gün real görünmür. Çünki Bakı təsərrüfatı başsız buraxılsa özbaşınalıq yaranar. Yəqin ki, bu 2019-ci il bələdiyyə seçkiləri zamanı müəyyənləşəcək. Bakı Böyük Şəhər Bələdiyyəsinin də seçilməsi nəzəardə tutulacaq. Çünki bələdiyyə strukturu olmasa Bakı şəhərinin planlı inkişafı və vətandaşlara xidmət səviyyəsi yüksəlməyəcək. Amma bu hələ real görünmür. Yəqin ki, bundan sonrakı mərhələdə təyinat olacaq. Hər halda Bakı Şəhər İcra Hakimiyyətinə başçının təyin edilməsi səlahiyyəti cənab prezidentimizə məxsusdur. Zamanı gələndə cənab prezidentimiz layiq olanı bu vəzifəyə təyin edəcək".

Telegramda izləyin

instagramda izləyin