"Paşinyan bu ərazilər ilə özü yaxından tanış olmaq istəyir" - Ekspert

Ermənistanın baş naziri Nikol Paşinyan Tavuş vilayətinin (Dilican mahalı - red.) sərhəd kəndlərinin sakinləri ilə görüşündə bəyan edib ki, əgər İrəvan sovet dövründən qalan sərhədlər çərçivəsində Azərbaycana məxsus olan anklav kəndləri Bakıya qaytarmasa, bu, müharibəyə gətirib çıxaracaq.

"Müharibə baş versə, nə ilə nəticələnəcəyini də mən yaxşı bilirəm. Sonra siz Respublika meydanında qarşılaşanda mənə deyəcəksiniz ki, yaxşı, deyək ki, biz sadə kəndlilərik, məlumatımız yox idi, amma siz axı hər şeyi bilirdiniz", - deyə Ermənistan hökumətinin başçısı əlavə edib.

Məsələ ilə bağlı hərbi ekspert Tərlan Eyvazov Sonxeber.az-a açıqlama verib.

O bildirib ki,iki xalq da bu müharibədən tam şəkildə yorulub:

"Ermənistanda bəzi qüvvələr bildirir ki, o kəndlər Azərbaycana qaytarıla bilməz. Onlar bildirir ki, biz vaxtı ikən o ərazilərdə çox güclü müdafiə sərhədləri qurmuşuq. Bu ərazilərin verilməsi Ermənistanın təhlükəsizlikyinə zərər yetirə bilər. Bütün bunlardan görə Paşinyan bu əraziyə səfər edib. Bu ərazilər ilə özü yaxından tanış olmaq istəyir. Bu prpblemlər elə də böyük deyil. Bu məsələ sülh ilə həll oluna bilər. Azərbaycan əsas məsələ olan ərazi bütövlüyünü təmin edib. Artıq iki xalq da bu müharibədən tam şəkildə yorulub. Bu məsələlər hər iki xalqa ancaq faciələr yaşaddığı üçün bu məsələlərdə yəqin ki, uzunmüddətli proseslərdə olsa da danışıqlar ilə həll etmək mümkündür".

Telegramda izləyin

instagramda izləyin