"Mənə evlənmək lazımıydı?" – azərbaycanlı ifaçı

"ARB Ulduz"un "Şou-məkan" proqramının növbəti qonağı müğənni Elton Hüseynəliyev olub.

Həyat yoldaşı ilə yerə-göyə sığdıra bilmədiyi sevgisindən danışan müğənni, ilk olaraq sevgililər günündən söz açıb:

"Xanımımı təbrik etmişəm. Sizin efir vasitəsilə bir daha təbrik edirəm. Demək istəyirəm ki, nə yaxşı mənim həyatımdadır. Allah bütün sevənləri xoşbəxt etsin. Allah balalarımızın xoş günlərini bizə qismət etsin. Mən onu çox sevirəm və çox xoşbəxtəm".

Daha sonra Elton, qadına daim sevgi göstərilmənin vacibliyindən danışaraq, tez-tez ayrılıb-barışan cütlükləri qınayıb:

"Sevginin günü olmur. Bunu efir xatirinə demirəm. Mən tez-tez evə gül buketi alıb aparıram. Diqqətli olmaq lazımdır. Xanımlar gülü çox sevirlər. Bu gün daha böyüyünü alıb aparmaq lazımdır".

Evləndikdən sonra sevginin azalması doğrudurmu? – sualına isə müğənni bu cür cavab verib:

"Mən 22 yaşımda ailə qurdum. Başlarda ailənin nə olduğunu anlaya bilmirdim. Düzdür, övladım da olmuşdu. Ancaq mən o ağırlığı hiss edə bilmirdim. İndi 34 yaşım var və tam anlayıram ki, övlad və ailə nə deməkdir. İndi həm xanımımı, həm də övladlarımı daha çox istəyirəm.

İndi çox vaxtım olur. Çalışıram onlarla keçirim. İstanbuldan gəldim. Efirə getdim qayıtdım. Evdə uşaqlarımın məktəbdən gəlməsini gözlədim. Gəldilər. İki saat oynadıq. İndi artıq içimdən gəlir ki, mən bunu istəyirəm".

Elton heç çəkinməyərək, əvvəllər ailə qurduğuna peşiman olduğunu da dilə gətirib:

"O vaxtlar hirslənəndə deyirdim ki, bu evlilik mənə lazımıydımı? Mənim sənətlə məşğul olan vaxtımıydı. Ancaq indi düşünürəm ki, yaxşı ki, tez ailə qurmuşam. İndi övladlarım böyüyüb".

Əvvəllər oğlan övladı istəyən Elton indi belə görünür ki, görəcəyini görüb və fikrindən birdəfəlik daşınıb:

"İndi deyirəm ki, qızlarıma qurban olaram. Dostlarımın oğlan övladlarını görürəm, deyirəm oğlan böyütmək çox çətindir. İpinin üstünə odun yığmaq olmur. Qız ata-anaya tabe olan bir övladdır".

Telegramda izləyin

instagramda izləyin