Xorvatiyada "itkin düşmüş" azərbaycanlı idmançılar haqda RƏSMİ AÇIQLAMA

Xəbər verdiyimiz kimi, bu gün tanınmış jurnalist, səyyah Azər Qəribov sosial şəbəkədə Xorvatiyaya gedən idmançılarımızın itkin düşməsi haqda məlumat paylaşıb. O, bildirib ki, Xorvatiyanın Split şəhərində keçirilən ağır atletika üzrə Avropa çempionatına gedən azərbaycanlı idmançılar yoxa çıxıblar. "Oteli tərk edən idmançılar yarışlara gəlməyiblər və polis artıq iki gündür ki, onları axtarır" - deyə A.Qərib yazıb.

Azərbaycan Ağır Atletika Federasiyasının Mətbuat katibi Kənan Məstəliyev idmançılarımızın itməsi ilə bağlı məsələyə aydınlıq gətirib.

K.Məstəliyev AzVision.az-a bildirib ki, bu, Xorvatiya polisinin çox böyük səriştəsizliyidir: "Yığma komanda aprelin 1-dən Bakıdadır və məşqlərini davam etdirir. Mən bu gün, düz 10 dəqiqə əvvəl onlarla yenidən görüşdüm. Sadəcə olaraq Xorvatiya polisi əgər sərhəddə təyyarəyə minib geri qayıdan və gömrükdə qeydiyyata düşən adamları tapa bilmirsə, mənim buna deyəcək sözüm yoxdur. Ora yığma komanda, nümayəndə heyəti gedib, sadəcə Məsləhət Şurasının qərarına əsasən həmin komandanın Avropa çempionatında iştirakı məqsədəuyğun sayılmayıb. Çünki həmin komanda üzvlərinin bir aydan sonra Bakıda keçiriləcək İslam oyunlarında iştirak etmələri nəzərdə tutulub. Bu son anda Məsləhət Şurasının qərarı əsasında belə oldu ki, idmançıları İslam Oyunlarının heyyətinə qata bilərik və onların Avropa çempionatında çıxış edib yorulmasını istəmirik. Bir ayda iki böyük yarışda çıxış etmək böyük riksdir. Həmin çempionatda gedib zədə də almaq olar. Ona görə də yığma komandanın iştirakı ləğv olundu".

Telegramda izləyin

instagramda izləyin