Ev alanlara vacib xəbər: "Bundan sonra..."

2017-ci ilin birinci rübündə Bakıda mənzillərin orta qiyməti ilə bağlı "MBA Group" konsaltinq şirkəti hesabatı verib.

Həmin hesabatda Bakıda mənzillərin orta qiyməti təkrar mənzil bazarında əvvəlki rüb ilə müqayisədə 2,3 faiz (1 kvadrat metr üçün 1030 dollara qədər) ucuzlaşdığı bildirilib.

Bəs, mənzil bazarındakı bu qiymətlər alıcı kütləsinin artımına səbəb ola bilərmi? Bu Əcnəbilərin bu sahəyə marağını çəkəcəkmi? Tikinti bununun baş verməsi gözlənilirmi?

Məsələ ilə bağlı "MBA Group" konsaltinq şirkətinin baş direktoru, daşınmaz əmlak sahəsində ekspert Nüsrət İbrahimov A24.Az-a danışıb.

Onun sözlərinə görə, bu il mənzil bazarında istər yaşayış, istər qeyri-yaşayış tikililərinə tələbatın artımı müşahidə olunur.

"Əcnəbilərin ölkəyə marağının artması hələ ki mövsumi olaraq kirayə bazarına təsir etsə də, tikinti bazarına heç bir təsiri yoxdur. Bayram günlərində ölkəyə turist axını olur və bu da kirayə bazarında qiymət artımına təsir edir". – deyə, ekspert bildirib.

İbrahimov tikinti sektorunda bu ilin ilk aylarıda ötən ilə nəzərən canlanma olacağənə bildirib. Onun sözlərinə görə, bu canlanmanın səbəb olacaq amillər pilot layihələrin, xüsusilə İpoteka Fondunun dekabr ayından başlayan fəaliyyətlərinin nəticəsidir.

Tikinti bumu gözlənilir
Tikinti bununun bu il müşahidə olunmayacağını deyən İbarahimov, gələcək illərdə bunun olmasını ehtimal edir.

"Tikinti bununu 2003-2007-ci və 2011- 2014-ci illərdə yaşamışdıq. Bu gün bu mərhələdə tikinti bumu gözlənilmir. Amma gələcək üçün gözlənildiyini demək olar. Hazırda ölkənin iqtisadi durumundan, investorların tikinti sektoruna marağından, ümumi xarici investorlar üçün yaradılan şəraitdən və digər faktorlardan asılı olaraq ölkədə bu sahəyə potensial tələb var. Bu həm mənzil sektoruna, həm də qeyri-yaşayış sahələrinə şamil edilir".-deyə ekspert bildirib.

Qeyd edək ki, "MBA Group" konsaltinq şirkətinin bu gün verdiyi hesabata görə, ekonom-klass mənzillərin qiyməti təkrar mənzil bazarında 3 faiz ucuzlaşıb (1 kvadrat metr üçün 818 dollara qədər), komfort və biznes klass üçün, əksinə, cüzi bahalaşıb. Beləliklə, komfort-klass mənzillərin qiyməti 1 kvadrat metr üçün 1417 dollara (rüb ərzində 0,35 faiz artıb), biznes-klass mənzillərin isə 1 kvadrat metr üçün 2231 dollara çatıb (rüb ərzində 1,38 faiz artıb).

Cəmi yanvar-mart aylarında satışa 7,39 min mənzil satışa qoyulub və bu 2016-ci ilin dördüncü rübündən 4,41 faiz azdır. Satışa çıxarılan mənzillərin sayının azalmasına baxmayaraq onların alqı-satqısı üzrə əqdlərinin həcmi rüb ərzində cüzi artıb (2,45 faiz, 2534 əqdə qədər).

Bakının təkrar mənzil bazarında satışa çıxarılan mənzillərin, siniflər üzrə müqayisəli cədvəli (2017-ci ilin I rübü 2016-cı ilin IV rübü ilə müqayisədə)Təkrar bazarda təklif olunan mənzillərin çoxu (30,48%) üç otaqlı mənzillərdir, sonra isə iki otaqlı (29,49%), dörd otaqlı (11,57%) və bir otaqlı (14,3%). Beş otaqlı və daha çox otaqlı mənzillərin payına 8,16 faiz təkliflər düşür.

Telegramda izləyin

instagramda izləyin