Azərbaycanın məşhur telekanalı işçilərin maaşını vermir?

ATV kollektivinin böyük hissəsi iki aydır ki, əmək haqqını ala bilmir.

Bu haqda 10may.az saytı məlumat verib. Məsələ ilə bağlı telekanalın "ictimai-siyasi məsələlər və ictimaiyyətlə əlaqələr" departamentinin rəhbəri Turan İbrahimovla əlaqə saxladıq:

"ATV kanalında nə kütləvi ixtisarlarla bağlı, nə də maaşlarla bağlı problem var. Bütün bunların hamısı boş söhbətlərdir, dezinformasiyalardır. Kim niyə belə məlumatlar yayır, heç bir anlayışım yoxdur, absurddur. Mənim belə xəbərim olmayan, tanınmayan bir saytda çıxan xəbəri ciddiyə almıram. Bizim problemimiz yoxdur ki, narahat olaq və belə xəbərlərin qarşısını alaq. Bizim ciddiyə almayacağımız bir məsələdir".

Xatırladaq ki, son aylar ATV kanalı ilə bağlı müxtəlif söz-söhbətlərin ardı-arası kəsilmir.

Telegramda izləyin

instagramda izləyin