Təcili! Azərbaycanda DƏHŞƏTLİ partlayış - ÖLƏN VƏ YARALANANLAR VAR -YENİLƏNDİ

13:21

Lerik rayonunda broyler fabrikində baş verən partlayış nəticəsində ölən və yaralananların adları məlum olub.

Sonxeber.az APA-ya istinadən xəbər verir ki, hadisə nəticəsində fabrikdə işləyən, Lerikin Piran kənd sakini, 1982-ci il təvəllüdlü Valeh Oruc oğlu Məmmədov dünyasını dəyişib.

Partlayış nəticəsində daha iki nəfər - 1978-ci il təvəllüdlü Mehman Ağamir oğlu Əliyev və 1975-ci il təvəllüdlü Akif Oruc oğlu Aslanov xəsarət alıblar.

---------

12:40

Hadisənin baş verdiyi "Lerik Broyler" MMC rayonun deputatı İqbal Məmmədova məxsusdur və onun atası Nəriman Məmmədovla, qardaşı Çingiz Məmmədov tərəfindən idarə olunur. Şirkət "Lebro" markası ilə toyuq istehsalı və satışı ilə məşğul olur.

Lerik Rayon Mərkəzi Xəstəxanasının baş həkimi Mübariz Ağayev APA-ya bildirib ki, baş verən partlayış nəticəsində iki nəfər yaralanıb.

M. Ağayevin sözlərinə görə, hadisə yerinə 3 təcili yardım briqadası cəlb edilib.

----------

11:43

Lerik rayonunda broyler fabrikində partlayış olub.

Sonxeber.az APA-ya istinadən xəbər verir ki, hadisə Piran kəndi ərazisində qeydə alınıb.

Rayon Fövqəladə Hallar Komissiyasının sədri Habil Məlikovun verdiyi məlumata görə, hadisə kəsim sexində olub.

Partlayış nəticəsində ölən və yaralananların olduğu bildirilir.

Mənbə: APA

Telegramda izləyin

instagramda izləyin